Programe të reja mësimore digjitale dhe burime ndërvepruese, të cilat të ndihmojnë futjen e formave moderne, të zhdërvjella dhe efektive të arsimimit në institucionet e arsimit të lartë në vendin tonë. Kjo parashikohet në Planin Operativ pranë Strategjisë për Zhvillimin e Arsimit të Lartë në Republikën e Bullgarisë për periudhën 2021-2030, njoftoi qendra e shtypit e Ministrisë së Arsimit dhe të Shkencës. Plani parashikon dhe një rimendim serioz të planeve ekzistuese dhe krijimin e planeve dhe programeve të reja mësimore. Mes qëllimeve drejtuese është dhe përfshirja në një pjesë më të madhe të rrjeteve ndërkombëtare arsimore dhe shkencore, krijimi i një marrëveshjeje të përbashkët efektive “arsim-shkencë-biznes”, tërheqja e pedagogëve nga jashtë dhe përpunimi i punimeve të ndryshme arsimore në gjuhë të huaja.

Përpiloi: Vesella Krësteva

Përgatiti në shqip: Nataniela Vasileva