Programi i ditës

Radioja Kombëtare Bullgare © 2022 Të gjitha të drejtat janë të rezervuara

Një nga artisët më të njohur bullgarë Mihaill Bellçev feston përvjetorin e tij

Foto: ndk.bg

Këngëtari, poeti dhe autor i dhjetëra hiteve, Mihaill Bellçev është ndër artistët më të njohur dhe më të dashur në fushën e estradës bullgare. Në gusht ai mbushi 75 vjeç. Mihaill Bellçev do ta festojë jubileun e vet me një koncert në sallën 1 të Pallatit Kombëtar të Kulturës. Ai zgjodhi datën 8 nëntor, sepse atëherë është Dita e Kryeengjëllit Mihaill, kur së bashku me shumë bullgarë të tjerë artisti i njohur feston ditën e emrit. Interpretuesi i dhjetëra hiteve ka ftuar kolegë të brezave të ndryshëm, të cilët do të shfaqen bashkë me të në skenë. Para Zheni Monevës, një kolege nga Radioja Kombëtare Bullgare, Mihaill Belçev tha:

“Mendoj se do të jetë një koncert i bukur, miqësor – diçka që do të tregojë se kënga jonë argëtuese meriton admirim. Poezia dhe muzika do të “sundojnë” sonte. Shpresoj që njerëzit të ndihen mirë dhe të harrojnë të paktën disa nga problemet e tyre. Për mua, përvjetori është një festë e këndshme. Jam i lumtur që mund të mbledh publikun tim, miq, kolegë, të gjithë ata që e duan muzikën bullgare”.

Mihaill Bellçev është më shumë se 50 vjet në skenë. Si këngëtar dhe autor këngësh ai ka marrë dhjetëra çmime, si dhe çmime të mëdha shtetërore, por, si çdo artist, vlerëson veçanërisht njohjen e publikut.

“Çdo këngë e imja ka një legjendë, tregon një histori. Është mirë që shumica e tyre janë të gjalla, që “marrin frymë”, me to njerëzit kujtojnë takime, ndarje, dashuri...” – tha Mihaill Bellçev.

Përpiloi: Allbena Bezovska

Përgatiti në shqip: Vesella Mançeva

Më shumë nga rubrika

Dashuria fatale – një frymëzim për krijimin e këngës “Everything to Nothing”

Jean Mar është një artist bullgar i cili ka fituar popullaritet në Zvicër, ku ka jetuar vitet e fundit. Aty ai debutoi në radio me këngën e tij “Love is”, e cila prej katër vitesh vazhdon të transmetohet nga radiot lokale, e ndjekur nga “Hold On”,..

botuar më 22-01-24 9.49.PD

Le të fluturojmë me G.R.A.S.

Grupi G.R.A.S. është themeluar në fund të vitit 2004 nga ish-anëtarët e formacionit të njohur muzikor Fandango. Emri është shkurtim i emrave të anëtarëve: Georgi Rusev - bas, vokal, Rosen Senovski - kitara, tastierë (i cili ishte në grup deri në..

botuar më 22-01-19 11.29.PD

Sofja është sfondi i videoklipit të këngës "Jetë në riparim"

Petko Sllavov është kompozitor, basist, kitarist. Në fillim të vitit 2014 në tregun muzikor bullgar doli albumi i tij i parë solo - "Shënimet e të dashuruarit të fundit", i cili përfshin 10 këngë dhe mund të dëgjohet në Spotify, ITunes, si dhe në..

botuar më 22-01-17 10.10.PD
Подкасти от БНР