Programi i ditës
Radioja Kombëtare Bullgare © 2022 Të gjitha të drejtat janë të rezervuara

46 veta vdiqën në një aksident me një autobus maqedonas në Autostradën “Struma”

| rinovuar më 21-11-23 5.12.MD

46 veta vdiqën pasi një autobus pasagjerësh me targë maqedonase mori flakë në Autostradën “Struma” pak para orës 3 të mëngjesit të 23 nëntorit. Janë shpëtuar 7 persona dhe janë vendosur pa rrezik për jetën në Spitalin e Urgjencës “Pirogov”. Ata kanë arritur të largohen vetë nga makina pasi kanë thyer xhamin në pjesën e pasme të automjetit. Autobusi ka udhëtuar nga Turqia për në Maqedoninë e Veriut. Ka pasur 52 persona shtetas maqedonas dhe një me shtetësi belge. Shumica e viktimave janë nga Shkupi, ka shumë të rinj dhe 11 fëmijë. Nga lista e emrave të pasagjerëve shihet se shumica janë me origjinë shqiptare.

Të afërm dhe miq të pasagjerëve nga autobusi i aksidentuar në Autostradën “Struma” mbërrijnë në Spitalin “Pirogov”. Disa prej tyre treguan se e morën vesh ngjarjen nga media dhe spontanisht u nisën për në Bullgari me shpresën për të marrë më shumë informacion për të afërmit e tyre. Ata kërkojnë informacion nga Ambasada e Maqedonisë së Veriut për veprimet që do të ndërmerren tash e tutje. Në mesin e atyre që presin është edhe Shaban Rashitovski. Katër nga pasagjerët e vdekur janë fqinjë të tij. Sapo mori vesh tragjedinë, shkoi në Sofje. “Erdha të ndihmoj me aq sa mundem”, u tha ai gazetarëve të BNR.

Në Sofje qytetarët vendosën lule dhe ndezën qirinj para Ambasadës së Republikës së Maqedonisë së Veriut në shenjë ngushëllimi ndaj viktimave. Nesër, më 24 nëntor do të shpallet ditë zie në mbarë vendin. Këtë e bëri të ditur në Varna Zëvendëskryeministri bullgar Gëllëb Donev, transmetoi korrespondentja jonë Daniella Stojnova.

Kryeministri në detyrë Stefan Janev dhe Ministri teknik i Brendshëm Bojko Rashkov e përshkruajnë pamjen si të tmerrshme. Disa nga viktimat janë gjetur të grumbulluar rreth njërës derë. Autobusi ka udhëtuar në një kolonë me tre autobusë të tjerë të së njëjtës kompani turistike maqedonase dhe ka qenë i fundit në kolonë. Tre automjetet e para kanë kaluar në Maqedoninë e Veriut në pikën kufitare Gjueshevo në orën 5 të mëngjesit.

Hetimi duhet të përcaktojë shkaqet e sakta të tragjedisë. Kryeministri maqedonas Zoran Zaev, i cili mbërriti urgjentisht në Sofje, tha se ka folur me një nga të mbijetuarit e autobusit. Ai ka thënë se në autobus ka ndodhur një shpërthim.

Kryeministri Stefan Janev hodhi poshtë mundësinë që sipërfaqja e rrugës të jetë shkaku i aksidentit të rëndë. Në një konferencë për shtyp me kryeministrin e Maqedonisë së Veriut Zoran Zaev Janev tha: "Unë nuk do të pranoja asnjë lloj spekulimi se pjesa e autostradës, gropat apo gungat e kanë shkaktuar aksidentin.”

Është djegur tahografi që regjistron lëvizjen e autobusit, tha për BNR shefi i Agjencisë Ekzekutive “Administrata e Automjeteve”, Bojko Ranovski. Kamerat e agjencisë nuk kanë regjistruar asnjë shkelje të rregullave apo lëvizje të autobusit me shpejtësi mbi atë të lejuar. Janë bërë të gjitha pushimet e detyrueshme, shtoi Ranovski.Tani për tani Maqedonia e Veriut nuk do të zhvillojë hetim paralel.

Vasko Pirgov, i cili është dëshmitar i aksidentit të rëndë në Autostradën “Struma”, duke qenë me detyrë aty në mëngjesin e sotëm, tha për BNR se katër autobusët kanë pushuar 20 minuta para ngjarjes.” “Ka pak të ngjarë që shoferi të ketë fjetur. Rruga ishte e lagur. Ai e ka ngatërruar rrugën për mendimin tim. Më pas është prerë goma e përparme djathtas dhe ka ndodhur aksidenti”, tha Pirgov.


Më shumë nga rubrika

Parashikimi i motit për fundjavën

Të shtunën para mesditës në Bullgarinë Perëndimore, ndërsa pasdite në pjesën qendrore të vendit, do të mbajë mot me vranësira dhe reshje shiu dhe bubullima. Do të ketë edhe breshër. Do të vazhdojë të jetë e ngrohtë me temperatura maksimale..

botuar më 22-05-27 8.35.MD

Tashmë tre ditë zjarrfikësit janë duke shuar zjarre në pjesët e larta të Parkut Natyror të Rillës

Pajisjet janë duke depërtuar nëpër borë pranë shtëpisë malore "Maqedonia" për t'i arritur zjarret në pjesët e larta në malin Rilla. Zjarri përfshiu 37 hektarë në një lartësi prej 1800 metrash mbi nivelin e detit. 80 zjarrfikës dhe punonjës..

rinovuar më 22-05-27 7.04.MD

Respektimi i të drejtave të bullgarëve maqedonas është një parakusht kyç për anëtarësimin e Republikës së Maqedonisë së Veriut në BE

Bullgaria pret që bullgarët në Maqedoninë e Veriut të regjistrohen në kushte të barabarta me kombësitë e tjera në Kushtetutën e vendit. Këtë e tha kreu i shtetit Rumen Radev në një bisedë telefonike me të dërguarin special të Mbretërisë së Bashkuar..

botuar më 22-05-27 6.27.MD