Programi i ditës

Radioja Kombëtare Bullgare © 2022 Të gjitha të drejtat janë të rezervuara

Ngjarjet me adresë ballkanike

Një koalicion i gjerë do të shpëtojë Rumaninë nga kriza

Të dy partitë më të mëdha në Rumani ranë dakord për formimin e një qeverie. Kështu kapërcehet kriza tremujore politike, e cila bllokon përpjekjet e vendit të vonojë pandeminë e Covid-19 dhe të vazhdojë reformat, transmetoi televizioni Digi24. Marrëveshja parashikon “rotacion” të kryeministrave deri në zgjedhjet e rregullta parlamentare në dhjetor 2024. Kryeministër i parë do të jetë kandidati i Partisë Nacional Liberale – gjenerali rezervist Nikollae Çuka. Pas 18 muajsh ai do të zëvendësohet nga lideri i socialdemokratëve Marçell Çollaku. Të dy forcat politike dhe Partia Hungareze ndanë 21 ministrive. Socialdemokratët marrin përsipër financat dhe shëndetësinë, ndërsa liberalët drejtësinë. Koalicioni do të ketë 2/3 nga vendet në parlament.

Protesta kundër zhvlerësimit të lirës dhe çmimeve në rritje në Turqi

Protesta spontane shpërthyen në Stamboll, Izmir dhe Ankara pas një tjetër kolapsi të lirës turke. Kishte arrestime të protestuesve të pakënaqur. Opozita kërkoi dorëheqjen e qeverisë dhe largimin e Partisë së Drejtësisë dhe Zhvillimit nga pushteti. Kjo ndodhi pasi Banka Qendrore Turke uli interesin kryesor deri në 15 për qind, ndërsa Presidenti Rexheb Erdogan bëri thirrje për uljen më të madhe të kamatës. Një dollar amerikan shkëmbehej për 13.45 lira turke. Që nga fillimi i vitit lira humbi 45 për qind nga vlera e saj, pasi vetëm gjatë nëntorit rënia ishte mbi 25 për qind. Partitë kryesore opozitare akuzuan Erdogan në paaftësi dhe bënë thirrje për zgjedhje të parakohshme. Kreu i shtetit është kategorik, se zgjedhjet presidenciale dhe parlamentare do të mbahen ashtu siç është e parashikuar në qershor 2023, transmeton agjencia Reuters.

Mbështetje financiare për shtimin e natalitetit në Serbi

Presidenti i Serbisë Aleksandër Vuçiç paraqiti masa të reja për zgjidhjen e problemit demografik në vend. Që nga 1 janari rriten ndihmat për familjet për fëmijën e parë nga 100 000 në 300 000 dinarë (2550 euro). “Po zhdukemi si komb dhe të dhënat tregojnë se nataliteti është pak mbi 1.5. ndërsa për riprodhim të thjeshtë duhet të jetë 2.15. Ne po plakemi dhe përparimi ekonomik do të varet nga sa do të arrijmë të sigurojmë natalitetin” theksoi Vuçiç. “Po punohet veçmas për masa të reja për fëmijën e dytë” premtoi ai. Sipas tij kjo është masa e parë e cila duhet të inkurajojë nënat. Parashikohet që ajo të gërshetohet me shumë të tjera. Familjet do të mbështeten falas me 20 000 euro për blerjen e apartamenteve, për të motivuar të rinjtë të dalin nga shtëpitë e prindërve dhe të kenë fëmijë, shpjegoi edhe presidenti.

Kroacia bleu gjuajtës të përdorur francez

Në Zagreb Presidenti francez Emanjuell Makron dhe Ministrja e Mbrojtjes Florans Parli nënshkruan një kontratë për 999 milion euro për të shitur Kroacinë një skuadrilje nga 12 aeroplanë të përdorur luftarak “Rafale”. “Në këtë mënyrë ne forcojmë aftësitë e Ushtrisë Kroate dhe Forcave Ushtarako-Ajrore Kroate, pasi aeroplanët e siguruar do të ndikojnë mbi politikën e jashtme dhe sistemin mbrojtës të Kroacisë”, tha Kryeministri kroat Andrej Plenkoviç. Makron i falënderoi Kroacisë, se “gjithmonë ka qenë një partnere e vërtetë dhe e qartë” dhe shtoi, se përkrah përpjekjet e vendit për të aderuar në Hapësirën e Shengenit dhe në eurozonë. Miku vuri në dukje, se Franca do të punojë në këtë drejtim pasi do të marrë presidencën e Këshillit të BE-së në fillim të vitit 2022.

Bullgaria dhe Serbia do të modernizojnë lidhjen hekurudhore pranë Caribrod


Një qendër intermodale do të ndërtohet në kufirin midis Bullgarisë dhe Serbisë. Për këtë arritën marrëveshje ministrat e transportit të të dy shteteve Hristo Aleksiev dhe Tomisllav Momiroviç në një takim në Caribrod. Të dy ministrat morën përsipër angazhimin për të vazhduar negociatat për aktivitetet e përbashkëta në stacionin hekurudhor të përbashkët kufitar.
Bullgaria dhe Serbia do t'i bëjnë një propozim të përbashkët BE-së për të përfshirë seksionin Dragoman-Nish në rrjetin kryesor të transportit trans-evropian.

Përpilues: Ivo Ivanov

Përgatiti në shqip: Svetllana Dimitrova

Foto: EPA/BGNES

Më shumë nga rubrika

Kriza në Ukrainë duhet të zgjidhet me mjete diplomatike

Edhe Ministria e Punëve të Jashtme doli me një qëndrim për këmbënguljen e Rusisë për tërheqjen e forcave të Aleancës nga Bullgaria dhe Rumania. Në faqen e saj në Facebook, Ministria e Punëve të Jashtme kujton se sipas vendimit nr.1 të Gjykatës..

botuar më 22-01-21 6.31.MD

Mandati i dytë i Presidentit – një mundësi për një rol dhe prani të ndryshme në politikë

Mandati i dytë i Rumen Radevit si President fillon zyrtarisht më 22 janar 2022. Ditë më parë, më 19 janar, Rumen Radev dhe Nënpresidentja Ilijana Jotova u betuan se do t'i përmbahen Kushtetutës dhe ligjeve të vendit dhe në të gjitha veprimet e..

botuar më 22-01-21 2.07.MD
Kirill Petkov dhe Dimitër Kovaçevski në Shkup

Për optimizmin midis Bullgarisë dhe Maqedonisë së Veriut

Takimi midis kryeministrave bullgar dhe maqedonas në Shkup më 18 janar filloi me një gjest të Maqedonisë së Veriut, i cili u ngadalësua për më shumë se dy vjet. Me kërkesë të Bullgarisë, në OKB u paraqit një saktësim maqedonas me shkrim, se emri i..

botuar më 22-01-20 3.23.MD
Подкасти от БНР