Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Mundohej Nëna e Zotit nga Dita e Shën Ignat Hyjmbajtësit e gjer tek Krishtlindjet”

Foto: arkiv

Në Ditën e Shën Ignat Hyjmbajtësit nuk punohet dhe nuk është mirë të largoheni nga shtëpia. Sigurisht, shumica prej nesh nuk mund ta respektojnë këtë, por sa u përket ndalesave të tjera, ato janë plotësisht të realizueshme - nuk jepen hua, asgjë nuk merret nga shtëpia dhe kur shkojmë në shtëpi ose kudo, duhet të mbajmë diçka në duar. Edhe më e rëndësishme është që të kemi mendime dhe dëshira të mira në shpirtin tonë.

Sipas përfytyrimeve popullore bullgare, Dita e Shën Ignat Hyjmbajtësit shënon fillimin e Vitit të Ri, prandaj emërtohet Viti i Ri, Dita e Re.

Më 20 dhjetor, kisha përkujton martirin Ignat Hyjmbajtësi, fëmijën të cilin Zoti e mori në krahë, ua tregoi apostujve dhe u tha: "Nëse nuk ktheheni dhe nuk bëheni fëmijë, nuk do të hyni në mbretërinë qiellore.”

Dita e Shën Ignat Hyjmbajtësit është një nga ditët më të rëndësishme në kalendarin popullor, këtë ditë kryhen rituale të ndryshme për tërheqjen e fuqive të mira. Besimi më i përhapur është lidhur me të ashtuquajturin “Pollaznik” - ky është njeriu i parë që hyn në shtëpi. Ai duhet të jetë i pasur, të ketë një familje të mirë, të jetë i shëndetshëm dhe me fat.

Dhimbjet e lindjes së Nënës së Zotit fillojnë në Ditën e Shën Ignat Hjymbajtësit. Ky është një motiv i zakonshëm në këngët popullore. Në këtë ditë për herë të parë mblidhen grupet e kolendarëve, ata e zgjedhin drejtuesin e tyre, fillon trajnimi i të rinjve, të cilët për herë të parë do të marrin pjesë në xhiron rituale të fshatit. Ata kujtojnë këngët dhe urimet që bëhen gjatë natës me të gdhirë Krishtlindjet.

“Mundohej Nëna e Zotit nga Dita e Shën Ignat Hjymbajtësit e deri në Krishtlindje” është kënga që zgjodhëm për ju. Ajo tregon se si Nëna e Zotit lindi Zotin e Ri në prag të Krishtlindjeve.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Anabel prezanton këngën e saj debutuese "Një dozë realiteti"

Anabel prezanton këngën e saj debutuese, e cila është rezultat i viteve të përgatitjes, punës së palodhur dhe këmbënguljes. Ajo është Ana Sotirova dhe merret me muzikë që në moshën 4-vjeçare. Rrugëtimi i saj muzikor filloi në Voice Academy (shqiptuar..

botuar më 25-01-31 6.35.PD

"Në anën tënde"

Bobi Ivançevin e njohim që në vitet 1990 si pjesë e dyshes “Avenju”, e cila krijoi një sërë hitesh në muzikën bashkëkohore bullgare si "A kemi jetuar ndonjëherë më parë", "Ikja" etj. Përveç të qenit kompozitor, Bobi është gjithashtu një producent i..

botuar më 25-01-30 6.10.PD

“Saracta” na zhyt në misticizmin e bullgarëve të vjetër

Sot do të kthehemi pas në kohë me SARACTA, ose "Kujdestari" - kështu quhet aventura e guximshme muzikore e producentëve Fabrizio Parisi dhe The Editor. Sfida këtë herë përfshin edhe një emër legjendar të muzikës bullgare – Gospodin Gospodinov-Gepi. Kujtojmë..

botuar më 25-01-29 6.05.PD