Programi i ditës
Radioja Kombëtare Bullgare © 2022 Të gjitha të drejtat janë të rezervuara

Fabrika e parë e birrës në vendin tonë mban emrin e Shën Petkës

Dhe akoma histori të tjera me një shije të pasur prej hopsi ...

Foto: BGNES

Bullgaria nuk është ndër vendet e para të cilat do t'i vijnë ndërmend adhuruesit të një prej pijeve alkoolike të gazuara më të famshme - birrës. Në sfondin e vendeve si Gjermania, ku traditat e prodhimit të birrës datojnë që në shekullin e 11-të, dhe Belgjika, me mbi 1000 vjet histori në prodhimin e birrës, si dhe Holanda dhe Republika Çeke, dëshmitë për prodhimin industrial të birrës në Bullgari, janë të një periudhe shumë më të vonë.

Fabrika e parë tek ne është hapur pak përpara, ose rreth Çlirimit të vendit  nga robëria turke. Në të ka punuar një mjeshtër çek i prodhimit të birrës. Fabrika është gjendur në qytetin Ruse dhe ka mbajtur emrin e Shën Petkës. Gjatë vitit 1882 fabrika e birrës është bashkuar me ndërmarrjen e sapondërtuar nga sipërmarrësi austriak Johann Habermann dhe ka mbajtur emrin e tij.


Kurse provat e para për prodhimin e birrës në kushte shtëpiake janë akoma që nga periudha e robërisë. Një nga pionierët në këtë veprimtari ka qenë revolucionari hungarez Lajosh Koshut.

Edhe pse shumë e kufizuar për shkak të aksesit më të vështirë në disa prej lëndëve të para, tradita e prodhimit të birrës në shtëpi është ruajtur. Që nga fillimi i shekullit të 21-të dhe veçanërisht në 15 vitet e fundit, ajo ka lulëzuar... Kërkesa në rritje për stile dhe shije jo standarde  i detyron  hegjemonët në tregun e birrës në vendin tonë, megjithëse ngadalë, të ofrojnë stile të tilla si: Аle, Pale Ale, IPA /indian pale ale/, Stout, Porter e të tjera.


Paraqitja e tyre provokon dyqanet dhe restorantet për të ofruar një përzgjedhje të gjerë të tundimeve të hopit për shtëpinë dhe për konsum në vend. Disa nga këto vende u kthyen në hapësira komode për mbledhjen e adhuruesve të pijes gazoze, disa nga të cilët madje formuan  dhe “Shoqërinë e vet të koleksionuesve të artikujve të birës në Bullgari”. Anëtarë të saj janë njerëz, për të cilët të pinë një birrë është jo vetëm një shkak i thjesht që të takohen, por dhe të mësojnë diçka të re për pijen e tyre të dashur. Për këtë dëshmojnë disa nga  koleksionet e paçmuara të etiketave, kupave, suvenireve reklamuese e të tjera.


Një nga koleksionuesit është mësuesi Ognjan Asparuhov në koleksionin e të cilit gjejmë kartonë /aksesorë/ për vendosjen e gotave nga e gjithë bota:

“Nuk mund të them se kush ishte kartoni i parë për gota, të cilin e ruajta. Por, më kujtohet se ishte gjatë periudhës së viteve 2007-2008. Meqenëse jashtë shtetit vënia e kartonëve dhe e materialeve reklamuese në lokale është diçka tepër normale, po si kjo që t’i marrësh me vete në shtëpi, unë fillova ti mbledh. Nëse sot, unë vendos që të nxjerr ndonjë nga koleksioni im, menjëherë do të kujtohem se që ku e kam marrë”- tregon Asparuhov në një intervistë për Radion Kombëtare Bullgare.

Kartonët të cilët i kam grumbulluar me një vështirësi më të madhe janë bullgaret. Shkaku - vera dhe rakia janë me nder më të madh në vitet kur prodhimi i birrës në vendin tonë është ende në fillimet e tij.

Ljubomir Angjellov dhe Ognjan Asparuhov

Një koleksion mjaft kureshtar pronëson një anëtar tjetër i kësaj shoqërie jo tradicionale - Ljubomir Angjellov, pasioni i të cilit janë etiketat e birrave, të prodhuara tek ne. Deri tani ai ka mbledhur mbi 3500:

“Çdo gjë filloi fare rastësisht që nga viti 1994 - kujtohet Angjellov. Kisha lënë disa shishe në një legen më ujë, etiketat e tyre ranë dhe unë vendosa se do të filloj që t'i koleksionoj. Për mua, kryesorja të cilën e kërkoj në një etiketë, është dizajni, i cili e bën etiketën të ndryshme. Etiketa e ëndërruar është ajo, zbulimi i së cilës është i lidhur me ndonjë kujtim të shtrenjtë.”

Përgatiti në shqip: Nataniela Vasileva

Foto: Facebook/ “Shoqërinë e vet të koleksionuesve të artikujve të birës në Bullgari”

Më shumë nga rubrika

Në moshën 60-vjeçare, treni për fëmijë në Kërxhali mbetet një atraksion i preferuar në qytet

Një nga emblemat e qytetit të Kërxhalit – treni për fëmijë në Parkun Prostor, do të niset sërish në itinerarin e vet pas një pauze dyvjeçare për shkak të pandemisë. Kjo është hekurudha e parë për fëmijë në Bullgari, e ndërtuar më 5 shtator..

botuar më 22-05-22 10.15.PD
Hauptkanal, Papenburg

Një festë e sllavëve organizohet nga bashkatdhetarët tanë në Papenburg

Për herë të parë komuniteti bullgar në shtetin federal gjerman të Saksonisë së Poshtme do të festojë së bashku 24 majin - Ditën e Vëllezërve të Shenjtë Kiril dhe Metodi, alfabetit, arsimit dhe kulturës bullgare dhe të letërsisë sllave...

botuar më 22-05-22 7.15.PD

Birrë me aromën e… malit Stranxha

A mundet që birra të ketë aromën e....malit dhe më saktë të malit Stranxha - një nga skajet më të bukura dhe të paprekura të natyrës bullgare? Përgjigjen e kësaj pyetjeje e jep Stamen Iliev, i cili i është përkushtuar ëndrrës së tij - të krijojë..

botuar më 22-05-21 11.45.PD