Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ekspertë dhe vullnetarë ndihmojnë të huajt në përshtatjen e tyre në Bullgari

Foto: infobureau.bcrm-bg.org

Që nga muaji shtator 2021 në Sofje po punon Zyra e parë në vendin tonë për Informim dhe Shërbime të Qytetarëve të Huaj. Qëllimi i ekipit është të lehtësojë praninë e të huajve, më tepër të atyre nga shtetet jashtë Bashkimit Evropian, deri në shërbime të ndryshme administrative, juridike, sociale dhe shëndetësore në Bullgari, me të cilën të ndihmojë për integrimin e tyre sa më të lehtë e të shpejtë në shoqërinë bullgare. “Për tre muaj kemi më shumë se 200 të huaj prej mbi 14 shteteve, të cilët i përdorin shërbimet tona” - sqaroi Sevdalina Vojnova, drejtoreshë programi e “Shoqatës së Zhvillimit të Sofjes”. Dhe vuri në dukje disa kazuse për të cilat mund të kërkoni zgjidhje nga ekipi i Zyrës për Informim dhe Shërbime të Qytetarëve të Huaj në Sofje:

“Përfytyroni një student në vitin e fundit nga Ukraina për shembull, i cili merr një ofertë për punë me kohë të pjesshme, por një nga kërkesat është që të ketë një numër bullgar të identifikimit. Ai nuk e di se çfarë të bëjë dhe kujt t’i drejtohet - jep shembull Sevdalina Vojnova. Ose ju jeni i punësuar përkohësisht, me një  kontrate pune te rregullt (për shembull kameriere nga Moldavia me kontrate 3 mujore, ka shume raste të tilla) dhe nuk e dini nëse keni te drejtë të vizitoni mjekun.

Ndihmë për akses në tregun e punës, shërbime sociale, plotësim i dokumenteve, aplikime të ndryshme, shoqërim deri në institucionet,  asistenca ligjore dhe mjekësore - këto janë disa nga aktivitetet që i ofron Zyra në fjalë. “Ndihma në raste të tilla është jashtëzakonisht e rëndësishme, më në veçanti kur flasim për të huaj, të cilët vijnë nga një shtet me një strukturë administrative dhe politike rrënjësisht të ndryshme, nuk e zotërojnë gjuhën bullgare, nuk kanë të njohur në vendin tonë dhe nuk e dinë se që ku të fillojnë në zgjidhjen  e problemeve të veta”, sqaroi Vojnova.

“Disponojmë një ekip prej punonjësve socialë, të cilët zotërojnë gjuhë të ndryshme - anglisht, frëngjisht, arabisht dhe persisht. Punojmë me persona mjekësorë, me psikologë, të cilët mund t’u japin një ndihmë psikologjike njerëzve të cilët kanë nevojë prej saj. Ka dhe ekspertë  të ligjit të punës, juristë, për të cilët jemi shumë të lumtur, sepse shërbimet juridike kërkohen jashtëzakonisht shumë - ato janë të rëndësishme për përgatitjen e dokumenteve të çdo lloji. Gjithnjë e më shumë po punojmë dhe me vullnetarë, të cilët janë shumë të dobishëm gjatë përgatitjes për një intervistë për punë, kështu që kandidati të mund të tregojë më të mirën nga vetja e vet. Me një regjistrim paraprak sigurohen dhe shoqërues deri tek mjeku dhe deri tek institucionet e ndryshme. Këta shoqërues zotërojnë gjuhë të huaja dhe shpesh herë vetë ata janë me një prejardhje imigrantе, por tanimëjanë të integruar plotësisht në shoqërinë tonë dhe të natyralizuar”, tha Sevdalina Vojnova.

Kërkimi dhe gjetja e punës mbetet një nga shërbimet më të rëndësishme, të cilat i kërkojnë të huajt, sqaroi ajo. Gjithnjë e më shumë punëdhënës i drejtohen ekipit, që të popullarizojë vendet e lira të punës të cilat i propozojnë ose të organizojnë intervista për punë me të huajt.

“Mënyra më e mirë që të merrni ndihmën e domosdoshme nga ekipi është të na vizitoni personalisht”, është këshilla e Sevdalina Vojnovës. “Në vetë godinën e Zyrës do të merrni spektrin e plotë të shërbimeve të paktën në dy gjuhë, të cilët do t’ju ndihmojnë të integroheni dhe të zhvilloheni në vend”, sqaroi ajo. Më shumë informacion dhe mënyra për lidhje me Zyrën për Informim dhe Shërbime të Qytetarëve të Huaj mund të gjendet dhe në sajtin zyrtar.

Përpiloi: Vesella Krësteva /në bazë të intervistës së Lluiza Llazarovës BNR-“Radio Sofja”/

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD