Programi i ditës
Размер на шрифта
Radioja Kombëtare Bullgare © 2022 Të gjitha të drejtat janë të rezervuara

“Marshi i Lirisë" në Sofje – pa liderë, pa parti, pa skenar

Foto: bntnews.bg

Në sfondin e protestës më të madhe të Kanadasë kundër masave kufizuese anti-epidemike, Sofja gjithashtu e ndoqi këtë shembull bashkë me vende të tjera evropiane. Ndoshta sepse nuk ishte organizuar nga forcat politike, ose për shkak të mungesës së informacionit në media, protesta ishte më e vogël, por pjesëmarrësit nuk e fshehën entuziazmin e tyre në rrjetet sociale:

“Marshi i lirisë” vazhdon derisa të arrijmë qëllimin tonë të përbashkët – eliminimin e masave diskriminuese! Së bashku mund t'i themi JO frikës! Sepse aty ku mbaron frika, bashkimi e bën forcën.”

Informacionet e larmishme në media që nga fillimi i pandemisë për efektet anësore të vaksinave, si dhe mungesa e transparencës dhe logjikës në vendimet e politikanëve i forcojnë edhe më shumë dyshimet e 2/3 prej bullgarëve që refuzojnë të vaksinohen.

Kjo ishte një nga arsyet për mbledhjen e protestuesve më 12 janar në sheshin para Kuvendit Popullor për të kërkuar heqjen e certifikatave jeshile.

Ndryshe nga pohimet se të pakënaqurit kanë qenë mbështetës me pagesë të partisë “Vëzrazhdane”, fushata zgjedhore e së cilës bazohej tërësisht në mesazhet kundër vaksinave të detyrueshme dhe certifikatës së gjelbër, në shesh kishte përfaqësues të rretheve akademike, intelektualë, mësues, prindër të shqetësuar dhe mjekë.

“Unë personalisht protestova që të mos ketë ndarje në shoqërinë mes të vaksinuarve dhe të pavaksinuarve”, tha Svetllana Zhivkova, asistente kryesore në Akademinë Bullgare të Shkencave. - Çdo gjë duhet të ketë kufij. Askush nga lart nuk mund t'ju thotë se kjo është për të mirën tuaj dhe t'ju detyrojë. Nëse njerëzit janë të informuar mirë, ata do të bëjnë zgjedhjen e tyre. Një person mund të infektohet me shumë sëmundje të tjera. Ne i kemi të gjitha vaksinat në kalendarin e imunizimit, por në rastin konkret bëhet fjalë për vaksinim masiv gjë që e ndryshoi konceptin e vaksinimit. Pra, ne nuk jemi kundër vaksinave.”

Svetllana Zhivkova

Së bashku me shumë kolegë të saj që e dinë se si ta përdorin literaturën shkencore, Svetllana Zhivkova e ndjek informacionin për pandeminë dhe vaksinat në revista mjekësore me reputacion dhe është e bindur se një pjesë e madhe e informacionit fshihet nga shoqëria jonë. Sipas saj, efektet anësore pas imunizimit nuk raportohen qëllimisht.

"Njeriu duhet të dijë se cilat janë rreziqet e efekteve anësore të raportuara nga të vaksinuarit vullnetarë dhe njerëzit nuk duhet të detyrohen të vaksinohen," tha shkencëtarja. “Prandaj, qëllimi i protestave është formimi i një grupi pune me mjekë, virologë, mikrobiologë, imunologë, të cilët në bazë të specialitetit të tyre të ngushtë të diskutojnë kuptimin e vaksinimit kundër Covid-19, të diskutohen sinqerisht dhe hapur të gjitha të mirat dhe të këqijat dhe t'u sjellin përfundimin e tyre qytetarëve bullgarë në mënyrë që ata të jenë të qartë edhe për pluset, edhe për minuset."

Shumëprej protestuesve besojnë se nuk paraqitet opinioni i ekspertëve. Nuk lihen të flasin mjekët e vërtetë, por zgjidhen ata që i shërbejnë linjës politike për vaksinimin masiv. Mungesa e logjikës në deklaratat e disa ekspertëve shpesh bie ndesh me analizat e bëra nga Agjencia Amerikane e Ushqimit dhe Barnave (CDC) dhe nga ajo evropiane EMA, mendojnë ekspertë të shquar mjekësorë në Bullgari. Ata janë të bindur se ka pasur spekulime të qëllimshme për vdekjet. Në fillim të epidemisë, një specialist kryesor në fushën e reanimacionit paralajmëroi se në Bullgari ka mungesë mjekësh reanimatorë. Dhe kjo është një nga arsyet e rezultatit vdekjeprurës tek pacientët në gjendje të moderuar, të cilët humbasin betejën me sëmundjen në repartin e terapisë intensive. Të gjitha këto fakte i bëjnë përshtypje shoqërisë së kundërshtarëve të certifikatave dhe vaksinave, pavarësisht përpjekjeve për t'u shpallur një turmë naive që beson në komplote.

Dhe në sfondin e protestave të vazhdueshme në mbarë botën, mendimi kritik dhe dyshimi janë një formë zgjimi. Për një zgjim të tillë bëjnë thirrje edhe protestuesit në Bullgari.

Përgatiti në shqip: Vesella Mançeva

Foto: Darina Grigorova, BGNES, bntnews.bg


Më shumë nga rubrika

Studentët bullgarë shënojnë festën e tyre

Më 8 dhjetor, studentët bullgarë shënojnë festën e tyre për të 119-tën herë radhazi. Ideja erdhi nga Ministri i Arsimit Prof. Ivan Shishmanov, i cili në vitin 1897 propozoi që Shkolla e parë e Lartë në Bullgari të ketë “një festë më të veçantë, të..

botuar më 22-12-08 11.34.PD

Studenti Amir Alizada: Studimi në Bullgari është një faqe e suksesshme e jetës sime

Për herë të parë, Amiri vizitoi Bullgarinë në moshën 4-vjeçare, ndërsa sot, 14 vjet më vonë, ai është student në vitin e parë në Fakultetin Ekonomik në Universitetin e Sofjes "Shën Kliment Ohridski". Pse i riu nga Azerbajxhani, i cili mbaroi me..

botuar më 22-12-08 7.15.PD

Filloi Panairi i 49-të Ndërkombëtar i Librit në Sofje

Mbi 150 shtëpi botuese marrin pjesë në Panairin e 49-të Ndërkombëtar të Librit në Sofje, i cili u hap sot në Pallatin Kombëtar të Kulturës. Ky është edicioni i tij më i madh që nga pandemia, me stendat e botuesve të shpërndarë në 4 kate. Paralelisht..

botuar më 22-12-06 4.28.MD