Ministrja e Jashtme Teodora Gençovska tha në një intervistë për Radio Bullgarinë se vendi ynë do të vazhdojë të mbështesë kërkesën legjitime të bullgarëve në Maqedoninë Veriore për t'u përfshirë në kushtetutën e saj, së bashku me kombet e tjera. Ministrja bullgare vuri në dukje se Bullgaria këmbëngul për përparim në punën e Komisionit të Përbashkët për Çështjet Historike dhe Arsimore, për përgatitjen e një kalendari për festimin e përbashkët të personaliteteve të historisë sonë të përbashkët, për të cilën tashmë është arritur marrëveshje (mbreti Samuil, Shenjtorët Kirili dhe Metodi, Shën Klementi, Shën Naumi), si dhe të fillojë procesi i përditësimit të programit mësimor në Republikën e Maqedonisë së Veriut

Për temat me interes të përbashkët sot dhe nesër në Sofje takohen grupet e përbashkëta të ekspertëve të Bullgarisë dhe Maqedonisë së Veriut të krijuara më 25 janar të këtij viti. Nesër më 11 shkurt do të realizohet fluturimi i parë në linjën ajrore Sofje-Shkup.