Shkencëtarë prej disa organizatave shkencore bullgare kanë bashkuar përpjekjet e tyre, që të mund të dëshmojnë mundësitë  e bimës zambaku i gurtë (Graptopetalum paraguayense) për shërimin e viruseve të gripit dhe ato të koronavirusit. Puna ka filluar gjatë vitit 2017 pasi kanë vënë re  se, bima vepron në mënyrë shëruese gjatë një konjunktiviti dhe herpesi. Atëherë kanë vendosur të studiojnë  vetitë shëruese të zambakut të gurit dhe kundra viruseve të gripit. Pas paraqitjes së pandemisë ata janë drejtuar  konkretisht mbi studimin e veprimit të tij mbi koronavirusin njerëzor, i cili është nga e njëjta familje virusesh ARN si Covid-19. Aty zbulojnë një ndikim jo dhe kaq të fortë, si tek herpesi dhe viruset e gripit, por mjaft të mirë-mbi 63% aktivitet, i cili e mposht shpërndarjen e viruseve. Aktualisht puna rreth studimit të vetive të zambakut prej guri po vazhdon, kurse në projekt marrin pjesë shkencëtarë nga Institutet e kimisë organike, mikrobiologjisë dhe kimisë së përgjithshme dhe inorganike të Akademisë Bullgare të Shkencave, Qendra Kombëtare për Sëmundjet Infektive dhe Parazitare dhe Instituti agrar biologjik pranë Akademisë Bujqësore.

Akoma për bimën dhe për drejtimin në të cilin punojnë shkencëtarët-shikoni në publikimin: Nina Nankova: Bota nuk do të mbetet pa shkencëtarë

Përpiloi: Gergana Mançeva

Përgatiti në shqip: Nataniela Vasileva