“Bullgaria do të mbështesë fëmijët dhe familjet që kërkojnë strehim nga konflikti ushtarak në Ukrainë”, tha Presidenti Rumen Radev në një takim me Përfaqësuesen e UNICEF-it për vendin tonë, Christina de Bruin. Ai vuri në dukje mundësitë që krijon vendi ynë - fëmijët ukrainas të vazhdojnë shkollimin në vendin tonë dhe të rriturit të përfshihen në tregun e punës. Kreu i Shtetit shprehu mirënjohje edhe për bullgarët që hapën shtëpitë e tyre për bashkatdhetarët tanë nga Ukraina dhe për qytetarët ukrainas. Sipas UNICEF-it, gati 1 milion fëmijë janë larguar nga Ukraina që nga fillimi i luftës, tha Christina de Bruin. Sipas saj, organizata është e gatshme të rrisë mbështetjen e saj për vendet ku shkojnë refugjatët.