Dorëheqja e Prokurorit të Përgjithshëm të Bulgarisë Ivan Geshev nuk do të jetë temë e bisedimeve me Prokuroren e Përgjithshme Evropiane Laura Kövesi gjatë vizitës së saj në Bullgari më 16 mars, tha Ministrja e Drejtësisë Nadezhda Jordanova. Ajo sqaroi se çështja e kërkimit të përgjegjësisë nga Prokurori i Përgjithshëm është jashtë kompetencës së Prokurorisë Evropiane, përveç nëse bëhet fjalë për krime me fondet evropiane. Të enjten, Jodanova dhe Kövesi do të diskutojnë ndryshimet në ligjin gjyqësor për t'u siguruar  prokurorëve bullgarë veprimtari efektive dhe referim më të lehtë në Prokurorinë Evropiane, si dhe ndryshimet në Kodin Penal për të rritur dënimet për keqpërdorimin e parave evropiane. Nadezhda Jordanova theksoi në takimin vjetor të biznesit me qeverinë se reforma në drejtësi është në një kontekst krejtësisht të ri dhe mungesa e saj do të ndikojë mbi aksesin në fondet e BE-së.