Nënpresidentja Ilijana Jotova tha, se tekstet e ndryshuara në Kushtetutë u kthyen kundër krijuesve të tyre. Jotova komentoi para gazetarëve se “për shkak të këtyre ndryshimeve në Kushtetutë, sot nuk mund të zgjidhet kryetari i Kuvendit Popullor”. Sipas saj, partitë nuk po mendojnë nëse kandidati është i përshtatshëm apo jo për të qenë kryetar i Kuvendit, por nëse përfundimisht do të jetë një kryeministër i mirë dhe mbi të gjitha kryeministër i kujt do të jetë. Situata përsëritet në zgjedhjen e Avokatit të Popullit, kreut të Dhomës së Auditimit dhe të gjitha pozitat e tjera nga regjistri prej të cilit mund të zgjidhet kryeministri në detyrë, theksoi ajo. Prandaj, sipas saj, Gjykata Kushtetuese do të bënte mirë të përshpejtonte shqyrtimin e çështjes lidhur me apelimin e ndryshimeve kushtetuese që lidhen me kompetencat e presidentit.

• Presidenti apeloi edhe një herë Gjykatën Kushtetuese për ndryshimet në Kushtetutë