Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rreziku i falimentimit sjell në protesta prodhuesit e patateve në vendin tonë

Prodhuesit e patateve kërkojnë ndihmën e vonuar të shtetit

Foto: arkiv

Shteti është në kolaps, nuk ka vendime reale në asnjë sektor, njerëzit janë të shqetësuar se si do t'i ushqejnë familjet e tyre, si do t'i paguajnë faturat - thonë prodhuesit e patateve nga qyteti Samokov, të cilët protestuan para Ministrisë së Bujqësisë. Shkaku për pakënaqësinë e tyre u bë një rregullore e votuar nga Komisioni Evropian (KE), sipas së cilës prodhuesit e patateve të tryezës nuk do të marrin përkrahje financiare. Vetëm prodhuesit e patateve të nishestes mund të shpresojnë te kjo mbështetje. Kështu, kultivuesit e patateve në vendin tonë në fakt mbeten pa mbështetje në prag të sezonit të ri bujqësor. Ata deklaruan gatishmërinë e tyre për protesta që në mes të shkurtit. “Nuk kemi asgjë për momentin, po luftojmë vit pas viti, ditë pas dite që të mbijetojë prodhimi ynë. Të gjithë jemi rrezikuar nga falimentimi, vetëm më të fortët do të mbijetojnë në këtë sektor, ata që kanë të ardhura anësore - thotë Ekaterina Çollakova, prodhuese e patateve nga Samokovi.

Sipas saj, këto janë probleme të akumuluara prej 15 vitesh në sektorin e bujqësisë, për të cilat shteti nuk ka gjetur zgjidhje. “Ne investojmë punë dhe para në një gropë pa fund. Tani, pas kësaj proteste, unë dhe bashkëshorti im do të vendosim se çfarë të bëjmë, dhe zgjidhja është të shesim gjithçka, të hipim fëmijët në makinë, të shkojmë jashtë vendit dhe të punojmë shumë në një vend të huaj "- thotë Ekaterina Çollakova.

“Që nga viti i ardhshëm nuk do të ketë përkrahje ndaj prodhuesve të patateve, sepse sipas Brukselit ka mbiprodhim të patateve. Por në Bullgari nuk ka mbiprodhim, patatet që shiten në vendin tonë janë kryesisht të importuara. Në fakt, e gjithë sasia e patateve të prodhuara në Bullgari mund të plotësojë nevojat e vetëm një qyteti, si Plovdiv, dhe vetëm për dy muaj. Shpresojmë vetëm në produktet e importuara. Para dy javësh u takuam me Zëvendësministrin Momçill Nekov. Na siguroi se ata duan të punojnë pikërisht me ne - prodhuesit e vërtetë, jo përmes asociacioneve. Patëm një takim edhe me këshilltarin e Presidentit z. Nikollaj Koprinkov, ai i mori për zemër problemet tona, shpresojmë se do të na përkrahë.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Bojko Borisov

Bojko Borisov: Shumë para u shpenzuan ilegalisht

“Shumë para u shpenzuan në mënyrë të paligjshme, gabimisht, duke shpërfillur raportin e Fondit Monetar Ndërkombëtar dhe thirrjet e jokoalicionit për të shpenzuar me mençuri”, komentoi lideri i GERB-it, Bojko Borisov për gazetarët në Kuvendin Popullor...

botuar më 24-04-11 11.01.PD
Ljudmilla Petkova

Rezerva fiskale rezultoi të ishte më shumë se 3 miliardë leva (1.5 miliardë euro) më pak se sa u paralajmërua

Prioritetet kryesore për qeverinë e përkohshme në politikën financiare do të jenë hyrja e Bullgarisë në Eurozonë dhe qëndrueshmëria e financave publike. Këtë e njoftoi në një konferencë për shtyp zëvendëskryeministrja e re dhe ministre e financave,..

botuar më 24-04-09 6.19.MD
Petër Ganev

Paqëndrueshmëria politike largon investitorët e huaj

Ekonomia e vendit është në 64për qind të nivelit mesatar evropian. Niveli prej 70 për qind që arriti Rumania ende nuk është kapërcyer. Ajo që e dallon Bullgarinë nga vendet e tjera të rajonit është se ato kanë nivele më të larta investimesh, sundim më..

botuar më 24-04-08 10.13.PD