Lufta në Ukrainë dhe inflacioni në rritje nuk i kanë ndaluar njerëzit të udhëtojnë nëpër botë, përfshirë këtudhe Bullgarinë.Është e mjaftueshme që njeriu të shëtisë nëpër qendrën e Sofjes, që të bindet në këtë. Të huaj, më tepër nga Bashkimi Evropian dhe nga shtetet e afërta ballkanike, përdorin fluturimet e lira, që të mund të shkojnë për një fundjavë deri në kryeqytetin bullgar. Dhe vendpushimet tona dimërore, të cilat sivjet po bëhen gati të mbyllin sezonin në prag të Pashkës, nuk ankohen nga mungesa e miqve nga jashtë. Një pjesë jo e vogël prej tyre mbërrijnë në Bullgari përmes Aeroportit të Sofjes.
Pavarësisht nga kjo dhe gjatë muajit të tretë të vitit 2022, trafiku ajror mbi vend është ende larg niveleve para pandemisë, njoftojnë nga drejtoria e aeroportit. Trafiku i pasagjerëve në shërbimet e planifikuara ndërkombëtare është ulur me 31% krahasuar me muajin e tretë të vitit 2019, por rritja në krahasim me vitin e kaluar është gati 260 mijë persona. Po vihet re dhe një rritje e lartë e pasagjerëve dhe fluturimeve të brendshme.Sipas të dhënave të aeroportit, ato janë me 77% më shumë në krahasim me muajin mars 2021.
“Lufta në Ukrainë, si dhe rritja e çmimeve të karburanteve, po prek të gjithë sektorin e aviacionit dhe po pengon rimëkëmbjen e shpejtë të trafikut. Presim që lehtësimi i masave kundër Covid të ketë efekt pozitiv në udhëtimet ajrore, por akoma jemi larg nga nivelet para pandemisë. Ekipi i Aeroportit të Sofjes punon për hapjen e fluturimeve të reja të rregullta dhe fluturimeve sezonale, disa nga të cilat tani janë një pjesë nga orari ynë i verës” - deklaroi Hesus Kabajero, drejtor ekzekutiv i aeroportit më të madh dhe të ngarkuar në Bullgari.
Ndërkohë aeroporti në qytetin Burgas njofton se gjatë muajit mars ka shërbyer 147% më shumë pasagjerë në krahasim me të njëjtën periudhë të vitit të kaluar. Statistika është marramendëse në sfondin e fluturimeve të anuluara nga Rusia dhe Ukraina. Më shumë turistë në aeroportin e Burgasit kanë ardhur nga Britania e Madhe dhe nga Bullgaria.
Aeroporti i Varnës llogarit një shtim edhe më të madh prej 152% të udhëtarëve të shërbyer. Gjatë muajit mars kryeqyteti ynë detar është i vizituar prej 51 354 vetave në sfondin e vetëm 20 401 gjatë së njëjtës periudhë të vitit të kaluar. Udhëtarët kanë qenë kryesisht nga Gjermania, Bullgaria, Britania e Madhe, Austria dhe Turqia.
Zhdukja e situatës emergjente lidhur me përhapjen e koronavirusit sugjeron një sezon premtues, por lufta në Ukrainë ngre shqetësime serioze në këtë sektor. Akoma nuk mund të ripohohet nëse gjatë vitit 2022 aeroportet tona do të arrijnë nivelet e vitit 2019 para pandemisë por koncesionarët shpresojnë të evitojnë vështirësitë dhe të dalin në sipërfaqe.
Përpiloi: Veneta Nikollova
Përgatiti në shqip: Nataniela Vasileva
Foto: arkiv, bgescc, varna.utre.bg
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në sfondin e BE-së, kjo përqindje në Bullgari mbetet e lartë. 1/7 e të rinjve joaktivë kanë arsim të..
Anëtarësimi në eurozonë më vonë në vitin 2025 është një prej skenarëve dhe në këtë fazë më i mundshmi. Kështu ka deklaruar guvernatori i Bankës Kombëtare Bullgare (BNB) Dimitër Radev në një intervistë për BTA në Uashington, gjatë takimeve..
“U përpoqa që në qeveri të përfshij ekspertë, të ketë vazhdimësi dhe të jetë politikisht i balancuar” – kështu tha kryeministri në detyrë, Dimitër Gllavçev, kur ia prezantoi presidentit përbërjen e kabinetit zyrtar tashmë aktiv. Detyra kryesore e..
Anëtarësimi në eurozonë më vonë në vitin 2025 është një prej skenarëve dhe në këtë fazë më i mundshmi. Kështu ka deklaruar guvernatori i Bankës..
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në..