Lideri i "Ka një popull të tillë" Sllavi Trifonov, partia e të cilit është pjesë e koalicionit qeverisës, e quajti "marrëzinë më të madhe që kam dëgjuar ndonjëherë" thirrjen e Kryeministrit Kirill Petkov që çdo bullgar ta dhurojë pagën e vet që të blihet armë për Ukrainën. “Paratë duhet të dhurohen për të shpëtuar jetë, jo për të blerë armë. Blerja e armës është punë e shtetit, jo e njerëzve të thjeshtë”, tha Sllavi Trifonov në postimin e tij në Facebook, të postuar disa orë para zhvillimit të Këshillit të Koalicionit, i cili duhet të diskutojë çështjen e ndihmës së mundshme ushtarake për Ukrainën.