Pyetja për orën e parë elektronike, e publikuar në faqet e Radio Bullgarisë, jo vetëm për të testuar njohuritë e dëgjuesve tanë, por edhe për të ngjallur kureshtjen e tyre, erdhi si një surprizë – edhe për audiencën bullgare. “Kur doli në treg shpikja e Petër Petrovit?Doli të ishte një provë se sa ne, bullgarët e njohim historinë tonë të re dhe personalitetet që me frytet e talentit dhe intelektit të tyre kanë kontribuar në përparimin teknologjik botëror.
Shpikësi me origjinë bullgare Petër Petrov lëshoi në treg orën e tij elektronike të dorës me markën “Pulsar” në vitin 1971. Përgjigja e saktë "Në vitet 70 të shekullit të 20" është treguar vetëm në katër sajte në gjuhë të huaja nga përgjithësisht dhjetë - në botimet e redaksive gjermane, frënge, spanjolle dhe greke.
Ndër përgjigjet e sakta nuk janë vizitorët e faqes bullgare, të cilët së bashku me vizitorët e faqeve në anglisht, rusisht, serbisht dhe shqip mendojnë se shpikja del në treg në vitet 60 të shekullit të kaluar.Vetëm në faqen në turqisht supozimi është për vitet '50.
Petër Petrov ka lindur gjatë vitit 1919 në fshatin Brestovica rrethi i qytetit Plovdiv, në familjen e një prifti. Gjatë vitit 1939 është regjistruar në Legjionin e Huaj Francez dhe një vit më vonë është gjendur në një kamp gjerman të robërve lufte në Poloni, i kapur në mbrojtje të linjës Mazhino. Për shkak të origjinës së tij bullgare ai arrin të kthehet në atdheun e tij në vitin 1941 dhe bëhet oficer mbretëror. Në fund të Luftës së Dytë Botërore Petër Petrov emigron në Gjermani, ku diplomohet për inxhinier. Ndërkohë, pushteti i ri komunist në Bullgari e shpall armik të popullit dhe e dënon me vdekje në mungesë.
Shpirti i tij aventuresk e shpie në Kanada ku ai merr pjesë në ndërtimin e bazave ushtarako ajrore dhe në Indokinë - ku ndërton ura dhe centrale elektrike. Në fund vendoset në Shtetet e Bashkuara, duke arritur brigjet e Floridës me një katamaran të vetë-projektuar për t'u bërë një nga shpikësit më produktivë të shekullit të njëzetë. Në Shtetet e Bashkuara, bullgari përfshihet në një sërë projektesh kozmike, bashkë më një grup shkencëtarësh krijon dhe satelitin e parë meteorologjik “Nimbus”, kontribuon dhe për projektimin e satelit të parë për komunikacion “Telstar”.
Gjatë vitit 1968 Petër Petrov themelon kompaninë Care Electrics, në të cilën shpik një monitor të zemrës me valë dhe orë elektronike. Kurse gjatë vitit 1975 bashkë me një prej 3 djemve të tij krijon kompaninë ADS Environmental Services për prodhim të aparaturës së kompjuterizuar për matjen e ndotjeve, të ardhurat vjetore të të cilit janë 50 milionë dollarë.
Petër Petrov ikën nga kjo botë në moshën 83 vjeç, pas një jete të frytshme në vendin e mundësive të pakufizuara, por shumë pak i njohur në atdheun e tij. Ai renditet në vargun e gjatë prej mendjeve të ndritshme, arritjet e mahnitshme të të cilëve njihen prej kohësh jashtë vendit, ndërsa tek ne vazhdojmë të mahnitemi kur prekim rastësisht ndonjërën prej tyre.
Radio Bullgaria nuk pushon së treguari histori interesante për bullgarë të jashtëzakonshëm, vende dhe ngjarje. Në materialet tona do të gjeni përgjigjet e shumë çështjeve kureshtare, përfshi dhe ato të pyetjes tonë të re në viktorinë: Ku është i vetmi manastir-ishull i ruajtur në Bullgari që nga epoka e Mesjetës?
Shikoni dhe jepni përgjigje!
Përgatiti në shqip: Nataniela Vasileva
Jeta e miliona njerëzve në mbarë botën, të cilët jetojnë në një sërë sfidash jetësore - luftë, uri, varfëri, duket e pakuptueshme për botën perëndimore, pjesë e së cilës janë Evropa dhe Bullgaria. Kjo është arsyeja se pse ne i pranojmë historitë e fateve..
Agron Nuredinaj prej disa muajsh është pjesë e administratës së re bashkiake të qytetit të Kukësit në veri të Shqipërisë. Qendra bashkiake është përgjegjëse edhe për fshatrat në rajonin e Gorës, ku një popullsi me origjinë bullgare dhe me vetëdije..
Radio Bullgaria në formën e saj origjinale u shfaq një vit e një muaj pas krijimit të Radios Bullgare, në atë kohë Radio Sofja. Radio Bullgaria që në fillimet e saj paraqet një imazh të ndryshëm dhe autentik të vendit tonë dhe në këtë rol të rëndësishëm..