Programi i ditës
Radioja Kombëtare Bullgare © 2022 Të gjitha të drejtat janë të rezervuara

Po mbledhin donacione për të shpëtuar shkabën egjiptiane në Bullgari

Foto: bspb.org

Për 40 vjetët e fundit popullata e shkabës egjiptiane është pakësuar me 83% në Bullgari. Pritet që gjatë viteve të ardhshme ajo të zhduket krejtësisht si specie nëse nuk bëhen përpjekje serioze për rivendosjen e popullatës. Arsyet e shkatërrimit të shpejtë të kësaj specie emblematike për vendin tonë janë përdorimi i helmeve dhe karremave helmues. Kërcënime të tjera janë përplasjet me rrjetin elektrik, gjuetia pa leje dhe vendet me rrezik për shkak të aktivitetit njerëzor përgjatë gjithë rrugës së migrimit të shkabës nga Bullgaria në Afrikë.

Për më shumë se 20 vjet, Shoqata Bullgare për Mbrojtjen e Zogjve  ka bërë përpjekje të mëdha për të parandaluar zhdukjen e shkabave egjiptiane në vendin tonë.Rreth 20 mijë leva nevojiten për rritjen e shpendëve të sapolindur në kushte të mbrojtura për dy vitet e ardhshme. Megjithatë, shuma është e papërballueshme për anëtarët e shoqatës, kështu që ata mbështeten te donatorët. Fondet nevojiten për kostot e transportit në kopshtet zoologjike në Evropë dhe në Bullgari, ushqim dhe kujdes mjekësor për zogjtë e rinj ndërsa ato të përshtaten.

Deri  tani, nga 23 ekzemplarët e rinj të nxjerrë dhe të lëshuar, 6 janë kthyer me sukses në Bullgari. Një informacion se si të ndihmoni është në dispozicion në sajtin e Shoqatës Bullgare për Mbrojtjen e Zogjve.

Përpiloi: Gergana Mançeva

Përgatiti në shqip: Nataniela Vasileva



Më shumë nga rubrika

Web Çitalishte organizon atelienë "Të shkruarit krijues" për bullgarët në mbarë botën

Nga shtatori fëmijët nga komunitetet bullgare anembanë botës do të mund të mësojnë të shkruar krijues në një atelie të organizuar nga Web Çitalishte , njoftoi Agjencia Telegrafike Bullgare /BTA/. Atelieja do të zhvillojë te fëmijët aftësitë e tyre..

botuar më 22-08-09 3.20.MD

Përmirësuam kushtet në të cilët do të punojnë mësuesit bullgarë jashtë shtetit

Afro gjashtë muaj – po aq vazhdoi puna e Komisionit për Bullgarët jashtë Shtetit në Legjislaturën e 47-të të Kuvendit Popullor. Përveç prioriteteve të caktuara nga Kryetarja e tij Antoaneta Coneva në fillim të këtij viti, komisioni arriti të..

botuar më 22-08-09 11.26.PD
Universiteti i Mjekësisë në Sofje

Shkollat bullgare të arsimit të lartë i bashkohen aleancës “Universitetet Evropiane”

Universiteti i Mjekësisë në Sofje dhe Universiteti Bujqësor në Plovdiv iu bashkuan konsorciumit nga nisma “Universitetet Evropiane”. Komisioni Evropian miratoi edhe 4 aleanca të tjera, dy prej të cilave përfshijnë institucionet bullgare të arsimit..

botuar më 22-08-09 10.41.PD