Programi i ditës
Radioja Kombëtare Bullgare © 2022 Të gjitha të drejtat janë të rezervuara

Radhët e gjata kilometrike në Urën e Danubit pranë Vidinit po vazhdojnë të torturojnë shoferët ndërkombëtarë

Foto: BNR Vidin-arkiv

Në mesin e verës, sërish shikojmë situatën në rrjetin rrugor republikan, por jo në resorët përreth kryeqytetit detar Varna, por në zonën e qytetit të Vidinit. Kryeqyteti i dikurshëm i Mbretërisë së Vidinit në periudhën e viteve 1369-1396, sot mjerisht gjendet në rajonin më të varfër dhe të shpopulluar në Bashkimin Evropian. Krahas me këto probleme, banuesit e qytetit dhe vendeve të populluara përreth presin përfundimin e autostradës Vidin-Botevgrad. Prognozat janë që traseja 190 kilometrash të jetë gati gjatë vitit 2027. Ndërtimi i saj do të lidhë “Urën e Danubit 2” me autostradën “Hemus”, gjë që do të lehtësojë  ndjeshëm trafikun e rënduar në këtë zonë.

Sa i përket problemit të përvitshëm të qarkullimit të mallrave përmes pikës kufitare, të paktën tani për tani nuk ka zgjidhje. Sipas një analize, të përgatitur nga Drejtoria kryesore “Policia Kufitare”, me porosi të BNR Vidin, pika kufitare ka arritur  kufirin për kalimin e kamionëve.Kjo është provokuar nga faktorë të ndryshëm – nga njëra anë ka filluar sezoni veror, nga ana tjetër, ndryshimet në rrugët e shoferëve ndërkombëtarë, të provokuara nga arsye gjeopolitike, ekonomike e të tjera. Një pengesë serioze përpara lehtësimit të punës të pikës, të llogaritur në analizë është pamundësia të ndryshohet organizimi i lëvizjes. Shkaku është, se kjo varet krejtësisht nga fqinji ynë verior, meqenëse prona mbi të cilën është e vendosur pika është rumune. Pika dhe zona rreth tij drejtohet nga një kompani SH.A e përzier bullgaro-rumune “Vidin- Kallafat”.

Urën e Danubit 2

Një sondazh i bërë mes drejtuesve të mjeteve në kufi shpreh zemërimin e tyre për kushtet në të cilat ata janë të detyruar të presin për të kaluar nëpër pikën kufitare.

“Për një turn pune 15 orë, po të kalosh, është mirë, nuk është e lehtë - dielli përvëlon, është mbi 30 gradë, nuk ka erë. Mendoj se vonimi  vjen nga kontrolli i rumunëve, i cili kërkon një kohë më të gjatë, derisa në drejtimin e kundërt drejt Bullgarisë, radha kalon pak më shpejt”, sqaron një shofer kamioni.

“Është e mundur të reduktohet koha e pritjes nëse zhvendosin sportelet ku kontrollohen dokumentet e vendeve jo anëtare të BE-së dhe blihen vinjetat - pas pikës”, thotë një shofer tjetër.

“Krijohet një vonesë e madhe dhe gjatë analizës së gazit të disa kamionëve, të cilën e bëjnë në pikën e kalimit kufitar”, – thekson një i tretë.

Detyrimi i të gjithë kamionëve të kalojnë përmes peshores, humbet akoma orë të gjata në kufi.Disa nga shoferët japin shembull me organizimin e këtij procesi në Hungari, ku kjo procedurë kryhet në parking, jashtë pikës kufitare.

Pikërisht ky është dhe njëri prej rekomandimeve në analizën e Ministrisë së Punëve të Brendshme - rënia e disa prej procedurave ose zhvendosja e tyre jashtë zonës së pikës kufitare.

Përpiloi: Joan Kolev

Përgatiti në shqip: Nataniela Vasileva

Foto: BNR Vidin-arkiv, BGNES

Më shumë nga rubrika

Bullgaria dhe paqja në sytë e fëmijëve tanë jashtë vendit

Vendi ynë sërish është duke u përpjekur të kuptojë rrënjët e një modeli tjetër unik bullgar. Por në vend që të kërkojmë vazhdimisht veten, këtë herë mund të shikojmë atë imazh të pastër dhe të idealizuar të Bullgarisë në imagjinatën e fëmijëve..

botuar më 22-08-06 2.45.MD

Zanatet bullgare janë duke u zhdukur

Zanatet tradicionale bullgare janë transmetuar me shekuj nga babai te djali, nga mjeshtri te nxënësi. Dhe veprat e tyre po vazhdojnë të na mahnitin edhe sot e kësaj dite. Por sot, për fat të keq, nuk ka pothuajse asnjë vazhdimësi dhe shumë nga..

botuar më 22-08-04 7.15.PD

Rajna Manxhukova: Institucionet në Bullgari duhet t’i marrin seriozisht problemet e bullgarëve në mbarë botën

Për një vit tjetër Agjencia për Bullgarët jashtë Shtetit do të nderojë fëmijët e bashkatdhetarëve tanë në mbarë botën që morën pjesë në konkurse për këngë, vizatim apo vepër letrare kushtuar vendit tonë. Ceremonia zyrtare do të mbahet më   3 gusht..

botuar më 22-08-03 12.24.MD