Programi i ditës
Radioja Kombëtare Bullgare © 2022 Të gjitha të drejtat janë të rezervuara

Blihet vetëm ajo që kërkohet dhe vetëm ajo që ofrohet

Kreu i forcës kryesore opozitare GERB, Bojko Borisov, paralajmëroi se po u bëhet presion deputetëve për të munguar në sallë gjatë votimit të kabinetit të ri me mandatin e "Po e vazhdojmë ndryshimin". Qeveritarët ofrojnë jo vetëm "shuma kolosale", por edhe "pagesë në bitcoin", njoftoi Borisov në një konferencë. Ai theksoi se një deputet përfaqëson rreth 10 mijë votues dhe pasi blerja dhe shitja e votave gjatë zgjedhjeve është e ndaluar, blerja e deputetëve gjithashtu duhet parandaluar.

Më pas, para bTV-së, deputeti i GERB-it dhe ish-Ministër i Energjetikës, Deljan Dobrev, deklaroi se nuk ka fakte të cilat të vërtetojnë blerjen e deputetëve duke u ofruar poste dhe bitcoin, por përhapen thashetheme të tilla në godinën e Parlamentit.

U bë e qartë gjithashtu se përfaqësues të koalicionit qeverisës kanë kontaktuar me tre deputetë të “Vëzrazhdane”. Kryetari i partisë Kostadin Kostadinov, deklaroi në një konferencë për media se u janë ofruar forma të ndryshme të stimulimeve për të mbështetur kabinetin e kandidatit për kryeministër Asen Vasilev.

Ministri i inovacioneve në dorëheqje Daniel Lorer, mohoi kategorikisht para bTV se janë blerë deputetë.

"Sigurisht që ne nuk blejmë deputetë, ndërgjegje dhe njerëz. Ata që ankohen e dinë se si bëhen këto gjëra. Për ne Parlamenti nuk është një dyqan", theksoi Lorer.

Por dyshimet për pazare në prapaskenë po mbeten. Kryeministri i dorëhequr Kirill Petkov ripohoi se "Po e vazhdojmë ndryshimin", "Bullgaria Demokratike" dhe Partia Socialiste Bullgare (BSP) po vazhdojnë bisedimet me deputetët që duan të shohin programin politik të kabinetit të mundshëm të ardhshëm të tre formacioneve.

“Në fakt, disa njerëz duhet të vendosin se kujt do t'i jenë besnikë - partisë dhe liderit të tyre, i cili për mendimin tim nuk e zbatoi premtimin e tij ndaj popullit, apo ndaj të gjithë neve – që të kemi përgjegjësi ndaj Bullgarisë dhe të kemi shansin për të mos hyrë në një krizë politike.”

Kryetari i grupit parlamentar të "Ka një popull të tillë" (ITN) Toshko Jordanov u ankua se pushtetarët po vazhdojmë t’u telefonojnë njerëzve të tyre, madje vëllezërve dhe fëmijëve të tyre.

Në nenin 67 të Kushtetutës së Republikës së Bullgarisë është shkruar se “Përfaqësuesit e popullit përfaqësojnë jo vetëm votuesit e tyre, por edhe të gjithë kombin. Lidhja me një mandat të detyrueshëm është e pavlefshme. Përfaqësuesit e popullit veprojnë në bazë të Kushtetutës dhe ligjeve në përputhje me ndërgjegjen dhe bindjet e tyre”.

Nocioni "ndërgjegje" është një kategori morale dhe etike që lidhet me vetëdijen e njëfarë faji dhe gjithmonë është shkaktuar nga ndonjë gabim. Por nëse është e vërtetë që ndaj deputetëve ushtrohet presion në vendin e tyre të punës, atëherë duhet të aplikohet Direktiva 89/391/EEG e Komisionit Evropian që garanton mbrojtjen e punëtorëve. Sipas dokumentit në fjalë, "punëdhënësit janë të detyruar dhe përgjegjës për të siguruar një mjedis të sigurt pune dhe punëtorët nuk duhet dëmtuar mendërisht ose fizikisht në vendin e punës”.

Lidhur me këtë çdo deputet që ka ndier presion, mund të kërkojë mbrojtje. Tani për tani nuk ka sinjale të dërguara. Për më tepër, në momentin që deputeti e fillon procedurën, mandati i Legjislaturës së tanishme të Kuvendit Popullor mund të përfundojë. Nëse kjo do të ndodhë së shpejti, do ta dimë më 12 korrik kur “Po e vazhdojmë ndryshimin ose do të kenë një shumicë prej më shumë se 121 deputetësh për të emëruar një kabinet të ri, ose do të kthejnë mandatin për të formuar qeverinë.

Në fund të fundit, edhe partia në pushtet, edhe opozita janë të arsimuar mirë në fushën e ekonomisë së tregut dhe e dinë shumë mirë se blihet vetëm ajo që kërkohet dhe vetëm ajo që ofrohet.

Përgatiti në shqip: Vesella Mançeva


Më shumë nga rubrika

Vera e nxehtë politike duket se do të jetë e gjatë

Një nga veçoritë me të cilat do të mbahen mend dy mandatet e Presidentit Rumen Radev është se ai është kreu i shtetit i cili emëroi më shumë kabinete teknike. Deri më sot, qeveria aktuale e njëqindtë në historinë politike bullgare është e katërta e..

botuar më 22-08-12 7.15.PD

Ngjarjet me adresë ballkanike

Një marrëveshje me Kishën Serbe mund të rrëzojë qeverinë në Mal të Zi Disa parti në parlamentin malazez, të udhëhequr nga Partia Demokratike e Socialistëve e presidentit Milo Gjukanoviç, kërkuan një votë mosbesimi ndaj qeverisë së..

botuar më 22-08-05 2.13.MD
Putin dhe Erdogan, Soçi 2021

Presidentët e Rusisë dhe Turqisë takohen në Soçi

Presidenti turk Rexhep Tajip Erdogan do të bëhet sot lideri i parë i NATO-së që viziton Presidentin rus Vlladimir Putin pas fillimit të luftës në Ukrainë, njoftoi BTA. Të dy liderët pritet të diskutojnë një gamë të gjerë temash, duke..

botuar më 22-08-05 9.29.PD