Programi i ditës
Radioja Kombëtare Bullgare © 2022 Të gjitha të drejtat janë të rezervuara

Kolaps i përpjekjeve për krijimin e qeverisë - po tani ku?

Georgi Svilenski nga BSP ia kthen mandatin e paplotësuar për formimin e qeverisë presidentit Rumen Radev. Tani është radha e kreut të shtetit.
Foto: BGNES

Zgjedhjet e parakohshme tashmë janë të sigurta pasi partia politike BSP e zgjedhur nga presidenti, ktheu mandatin e tretë eksplorues të paplotësuar.

"Ai u quajt në mënyra të ndryshme - teknik, krize, etj., por doli të ishte më tepër një mollë e helmuar për forcën politike që e mori", - përgjithësoi politologu Antonij Gëllëbov në një intervistë për BNT.

Tashmë në vend ka dy pyetje: cila do të jetë përbërja e kabinetit të ri dhe cila do të jetë data e zgjedhjeve të parakohshme parlamentare. Përgjigjet janë në duart e kreut të shtetit.

Në fjalimin e tij të shkurtër pas kthimit të mandatit të paplotësuar të BSP-së, Rumen Radev la të kuptohet për planet e tij, duke i dhënë kohë Kuvendit Popullor që të përfundojë punën e vet deri në fund të kësaj jave. Në këtë kontekst, sot është ndoshta dita e fundit e punës së Legjislaturës së 47-të të Kuvendit Popullor, i cili përfundon gati tetë muaj pas seancës së parë më 3 dhjetor 2021. Ky është gjithashtu parlamenti i parë bullgar që mbyllet pas votimit të parë të suksesshëm të mosbesimit ndaj qeverisë në historinë bullgare.

"Asnjë subjekt politik nuk përfiton nga zgjedhjet e parakohshme për momentin, madje as opozita," komentoi sociologu Julij Pavlov në një intervistë për BNR.

Julij Pavlov

“Fituesi i madh është presidenti – ai do të qeverisë  tre deri në tre muaj e gjysmë. Ka shumë mundësi që në parlamentin e ardhshëm të mos mund të formohet një konfiguracion qeverisës me vijat e kuqe aktuale dhe më pas ai do të qeverisë edhe për tre muaj e gjysmë të tjera”.

Në  perspektivën politike të përvijuar në këtë mënyrë, qytetarët pyesin veten se cilët do të jenë ekspertët apo politikanët në Këshillin e Ministrave, të cilëve presidenti do t'u caktojë menaxhimin e vendit në kushtet e krizave të rënda.

Cili duhet të jetë profili i kryeministrit në detyrë, tek i cili duhet të ndalet kreu i shtetit?

Rosen Karadimov

“Në një situatë normale, nuk duhet të jetë e rëndësishme se kush do të jetë, por në këtë rast pritet që ai të përballet me shumë sfida - shpjegoi për BNT analisti politik Rosen Karadimov. - Prandaj, profili i tij duhet të jetë ai i një personi mjaft autoritar që të ngjall besim në shoqërinë bullgare, e cila është e frikësuar nga lufta, e nervozuar nga inflacioni dhe e hedhur në erë nga çmimet e transportuesve të energjisë”.

Me mungesë të aktiveve, por me një gamë të tërë pasivesh, koalicioni aktual i trefishtë - "Po e vazhdojmë ndryshimin", BSP dhe "Bullgaria Demokratike" - po zbret nga pushteti, përmbledh antropologu social Harallan Aleksandrov. “Tani do të ketë një betejë për të rishpërndarë fajin, jo për të rishpërndarë aktivet. Është fare e sigurt që secili prej pjesëmarrësve do të akuzojë të tjerët”, theksoi ai për BNR.

Harallan Aleksandrov

Në analizën e vet të asaj që po rastis në terrenin politik Aleksandrov prognozon se, “dy projektet populliste “Po e vazhdojmë ndryshimin” dhe “Ka një popull të tillë” kanë dështuar në provën e tyre  për t'u marrë me kundërshtarët e tyre politikë, dhe lufta mes tyre është vetëshkatërruese”.

“E vetmja gjë që mund të bashkojë partnerët në koalicionin e trefishtë është formimi i një armiku të përbashkët, sigurisht që do të jetë nga opozita, presidenti dhe kushdo që nuk është dakord me ta dhe i lejon vetes të ketë një mendim kritik.”

E dhe sociologu Përvan Simeonov është skeptik, se ndonjë nga formacionet mund të zbulojë në situatën e tanishme pozitive dhe të përfitojë prej tyre.

Përvan Simeonov

“Vendi ndodhet në një gjendje ku askush nuk duket se është në gjendje dhe se nuk dëshiron të mbajë përgjegjësinë e qeverisjes në vjeshtën dhe dimrin e vështirë përpara. Ky quhet dështim politik dhe kjo është një diagnozë shumë e rëndë kombëtare”.

Opozita është në gjendje të mirë, thekson Aleksandrov, dhe pret që formacionet aktuale opozitare (GERB, DPS dhe "Vëzrazhdane") të prezantohen mirë në zgjedhjet e parakohshme. Kjo, sipas fjalëve të tij do të ndryshojë situatën politike, por nuk do të ketë një dominim të partisë GERB.

“Tre herë me radhë bullgarët ripohuan vullnetin e vet të jepet një mandat për ndryshim kundra të ashtuquajturit “model GERB-DPS”, i cili ishte lidhur me drejtimin e vendit gjatë dhjetëvjeçarit të fundit - rikujton Përvan Simeonov. Kjo ishte një mundësi e përshtatshme për mbledhjen e subjekteve “pothuajse të pa mbledhshëm”, siç janë Bullgaria Demokratike dhe Partia Socialiste Bullgare.  Më duket se, politikanët tani po  e humbasin këtë shans, pasi situata pas zgjedhjeve të reja mbetet e paparashikueshme”.

Përpiloi: Joan Kolev

Përgatiti në shqip: Nataniela Vasileva

Foto: BGNES, Ani Petrova, arkiv


Më shumë nga rubrika

Politologët dhe sociologët parashikojnë një qeveri të paqëndrueshme

Në parlamentin e ardhshëm, pas zgjedhjeve të 2 tetorit, do të ketë tronditje. Sipas sociologëve dhe politologëve, nëse formohet një qeveri, ajo nuk do të jetë e qëndrueshme. Ata i shohin indikacionet në fushatën zgjedhore, e cila është e mbushur me..

botuar më 22-09-27 7.41.MD

Ngjarjet me adresë ballkanike

Kompani amerikane po tregojnë interes për projektet energjetike në Serbi Presidenti i Serbisë, Aleksandër Vuçiç , gjatë vizitës së tij në SHBA, për të marrë pjesë në seancën vjetore të Asamblesë së Përgjithshme të Kombeve të..

botuar më 22-09-23 1.38.MD

Ngjarjet me adresë ballkanike

Do të studiohet krijimi i një linje ajrore Brashov-Burgas Marrëveshja e partneritetit mes qyteteve Burgas dhe Brashov nga viti 2017 duhet të përmbushet me përmbajtje konkrete. Për këtë ranë dakord në një forum biznesi në Brashov..

botuar më 22-09-16 2.08.MD