"Suksesi juaj nuk do të përcaktohet nga gjinia apo përkatësia juaj etnike, por vetëm nga horizonti i ëndrrave tuaja dhe puna e palodhur për t'i arritur dhe realizuar ato" - këtë mesazh, në formën e një kartoline, për veten e saj e shkruan ajo për një projekt të BBC Arts një nga arkitektet femër më me ndikim në botë, Zaha Hadid (1950-2016). Një mesazh i cili përshkruan plotësisht rrugën e një gruaje bullgare në botën e arkitekturës - Aja Irinkova.
Më shumë se dhjetë vjet më parë, Aja u gjend në Londër duke vizituar motrën e saj, e cila ishte studente e arkitekturës në atë kohë, dhe gjatë dy javëve të jetesës në Mbretërinë e Madhe vendos që ky është vendi i saj. ”Unë e pëlqej shumë Londrën! Këtu ka një magji, të cilën nuk mund ta shpjegoj thjesht me fjalë, sepse kjo duhet të ndihet”, pohon në një intervistë për BNR-Stara Zagora vajza e re. Dhe horizonti i ëndrrës së saj hapet. Aja përfundon Universitetin e Arkitekturës dhe të Ndërtimit në Sofje dhe gjatë pranverës së vitit 2014 kthehet në Londrën e ëndërruar.
“Puna ime e parë nuk ishte e lidhur me arkitekturën-disa muaj qesh recepsioniste në restorant, ku gjatë kësaj kohe shkoja dhe në mësime në gjuhën angleze-tregon për rrugën e saj Aja. Kështu u njoha me shumë njerëz, fitova një bindje në vetvete dhe vendosa që të provojë të anëtarësojë për punë në një kompani arkitekturore. Ditë pas dite kur vajta në intervistën time të parë më telefonuan dhe më propozuan vendin. Kjo qe një befasi e madhe si dhe një motivacion për mua. Fillova si një asistente arkitekturore dhe gjatë asaj kohe anëtarësova në Dhomën lokale të Arkitektëve për kompetencë të plotë projektuese. Sepse këtu janë shumë të përpiktë ndaj rregullave dhe pa rëndësi nëse ke një arsim të tillë, kërkohet një leje nga Dhoma, që të mund të quhesh arkitekt dhe të mund të punosh si i tillë” - sqaron rregullat vendase ajo.
Nga distanca e kohës dhe të përvojës bullgarja e re është kategorike se, arsimi të cilin e ka fituar në Bullgari, krejtësisht i përgjigjet nevojave të saj në rritjen profesionale. Një faktor kyç për gjetjen e shpejt të punës madje ka luajtur përvoja e saj me softuerin e hartimit 3D, të cilat i ka përdorur në universitet. “Gjatë asaj kohe akoma kishte një mangësi të specialistëve, të cilët përdornin një softuer të ngjashëm, kurse unë tanimë kisha përvojë me të”-kujtohet Aja.
Tre vjet më vonë ka vendosur se ka ardhur koha për një sfidë të re profesionale dhe është paraqitur në një kompani të madhe me mbi 250 arkitektë nga e gjithë bota, bazuar në zemër të Londrës. Ajo ka marrë punën dhe ka specializuar në projektimin e banesave luksoze në lagjen e shtrenjtë të Londrës-Mayfair.
Aja Irinkova sqaron se, për shkak të legjislacionit vendas eksterieri dhe fasada e godinave në projektet e saj janë ruajtur në pamjen e tyre autentike. “Shpesh herë flasim për godina, të cilat kanë funksionuar me një përcaktim të ndryshëm, por sot janë kthyer në banesa”, sqaron ajo. Bullgarja dallon stilin karakteristik të rëndë të godinave, sipas fjalëve të saj në Londër-si për sa u përket materialeve të përdorura për ndërtim si mermeri dhe llojet e ndryshme të metalit, kështu dhe në ngjyrat, të cilat janë kryesisht të errëta. Marrin pjesë detaje të shumta, korniza, ornamente, të cilat përfaqësojnë një eklektizëm arkitektonik modern dhe të shtrenjtë.
“Anglezët mbajnë shumë për traditat e veta dhe për ta është me një rëndësi të madhe të ruajnë frymën autentike të godinave, më në veçanti të fasadave, që është e rëndësishme për pamjen e përgjithshme të lagjeve të ndryshme. Ka rrugë shumë të mbrojtura me ligj, në të cilat nuk ke të drejtë të zhvillosh ndryshime ekstreme. Ky është dallimi i madh me Bullgarinë-tek ne është shumë kaotike dhe godinat janë shumë të ndryshme si stil”.
Dhe meqenëse për Aja Irinkovën Londra është një dashuri që në pamje të parë ajo pohon se ajo i admiron të mëdhenjtë Zaha Hadid dhe Norman Foster, i numëron ata ndër racat e arkitektëve që e bëjnë qytetin një vend më të mirë për të jetuar për të gjithë.Dhe në ngjashmëri të Hadidit beson në idenë për të ardhmen me një horizont të gjerë, të cilin e zbulojmë me përpjekje vetjake.
Përpiloi: Vesella Krësteva /në bazë të intervistës së Ina Nikollovës, BNR-Stara Zagora/
Përgatiti në shqip: Nataniela Vasileva
Foto: Facebook /Aja IrinkovaSopranoja e njohur shqiptare Ramona Tullumani është një nga artistet me të cilën mirëpresim vitin e ri 2024 në atmosferën e ngrohtë të Operës së Sofjes, në koncertin tradicional gala të Vitit të Ri (29, 30 dhe 31 dhjetor 2023), biletat për të cilin u..
"Mbrëmja shkoi mirë. Kjo ishte diçka normale. Në fund të fundit ishte Nata e Shenjtë... Atë ditë më caktuan një rol të rëndësishëm. Ndoshta më i rëndësishmi: ai i Babagjyshit të Krishtlindjeve" – kështu fillon tregimi "Dëshira që Babagjyshi i..
Disa njerëz në jetë kënaqen duke u marrë vetëm me një gjë të caktuar, por jo dhe ky njeri. Mjek reumatolog, skenarist, shkrimtar, profesor Zlatimir Kolarov është dëshmi se nëse njeriu ka dëshirë, mund t’ia dalë në çdo gjë. Dëshira për t'u bërë mjek ishte..