Në moshën 91-vjeçare, vdiq udhëheqësi dhe reformatori i fundit i BRSS, Mihail Gorbaçov. Në vitin 1985, me ardhjen e tij në pushtet, Gorbaçovi filloi një valë reformash politike dhe ekonomike që synonin modernizimin, demokratizimin dhe hapjen e Bashkimit Sovjetik dhe Bllokut Lindor ndaj vendeve perëndimore. Për këtë politikë, ai mori çmimin Nobel për Paqen në vitin 1990.
Në historinë e shekullit të 20-të, Gorbaçovi shquhet si lideri sovjetik që i dha fund epokës së socializmit dhe Luftës së Ftohtë midis vendeve të kampit socialist dhe Perëndimit. Nga njëra anë, një hero për Perëndimin, nga ana tjetër, një figurë e diskutueshme në vendin e tij të lindjes - vlerësimet për Mihail Gorbaçov ndryshojnë. Për shumë rusë, ishin politikat e tij që çuan në rënien e Bashkimit Sovjetik në 1991. Ja vlerësimi i tij nga distanca kohore për ndryshimet e bëra dhe marrëdhëniet midis Lindjes dhe Perëndimit:
"Hapja e kampit social ishte një ndryshim i domosdoshëm - vuri në dukje Gorbaçovi në një intervistë për Radion Kombëtare Bullgare në fillim të dekadës së kaluar. - Bashkëpunimi duhet të zhvillohet. Nëse të gjithë duan të dominojnë pa u kujdesur për të tjerët, nuk do të ndodhë asgjë. Të gjitha projektet e tilla përfundojnë keq. Jemi ende shumë larg kohës kur nuk do të ketë vija ndarëse”.
Që në vitin 2019, Gorbaçov bëri thirrje për shkatërrimin e armëve bërthamore "për të shpëtuar veten dhe planetin":
"Për sa kohë që ka armë të shkatërrimit në masë dhe kryesisht armë bërthamore, rreziku është kolosal. Të gjitha kombet duhet të deklarojnë se armët bërthamore duhet të shkatërrohen. Kjo është për të shpëtuar veten dhe planetin," theksoi ai në një intervistë për BBC.
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në samitin e organizatës në Rusi në tetor, raportojnë mediat bullgare. Nëse pranohet, do të jetë vendi i parë..
Shoqata "Pаsardhësit e refugjatëve dhe migrantëve nga territori i Republikës së Maqedonisë së Veriut dhe miq" shpërndau një letër të hapur drejtuar komunitetit shqiptar në Maqedoninë e Veriut dhe përfaqësive diplomatike të akredituara në RSM dhe..
Serbia blen avionë luftarakë “Rafale” nga Franca për 2.7 miliardë euro Për gjithsej 2,7 miliardë euro, Serbia do të blejë nga kompania franceze “Dassault Aviation” 12 avionë të rinj luftarakë “Rafale” – 9 me një vend dhe 3 dyvendësh...