Bullgaria u ngjit nga vendi i 36-të në vendin e 23-të në mesin e 165 vendeve në renditjen – “Liria ekonomike në mbarë botën 2022.” Studimi i prezantuar në Sofje nga Instituti për Ekonominë e Tregut, bëhet çdo vit nga instituti kanadez “Frazer”. Përparimi i Bullgarisë nuk është i lidhur me reformat, komentojnë ekspertët. Për shkak të pandemisë Covid, shumë qeveri në mbarë botën kanë kufizuar liritë ekonomike dhe kanë rritur ndërhyrjen e shtetit, duke përfshirë kufizime të ndryshme biznesi. Ka një rritje të madhe të varësisë së kompanive nga ndihma buxhetore. Ndërsa në Bullgari, kufizimet dhe ndihmat shtetërore në lidhje me pandeminë ishin më të kufizuara.