Programi i ditës
Radioja Kombëtare Bullgare © 2022 Të gjitha të drejtat janë të rezervuara

Kalina Pançeva, Shtutgart: Votoj për stabilitet politik, pasi kohët janë jashtëzakonisht të paqëndrueshme

77 janë qendrat e votimit në territorin e Gjermanisë

Foto: pixabay

Bullgarët në Gjermani, veçanërisht në Shtutgart, shfaqën aktivitet më të ulët ditën e zgjedhjeve, krahasuar me zgjedhjet e vitit të kaluar. Sipas të dhënave jozyrtare të komunitetit bullgar, rreth 14 000 bashkatdhetarë tanë jetojnë përherë në provincën e Baden-Vyrtemberg, me rreth 7000 vetëm në kryeqytetin e saj, ka edhe shumë studentë...” Një nga seksionet elektorale në Shtutgart është me vendndodhje në lagjen Bad Kanstadt, e cila është ndër më të populluarit me bullgarë në këtë vend. Pikërisht aty votoi Kalina Pançeva, mjeke në fushën e mjekësisë stomatologjike, e cila prej 4 vitesh ndodhet në Gjermani me familjen e saj.

Sipas Kalinës, në orët e mëngjesit votuan kryesisht të rinjtë bullgarë, të cilët vajtën në qendrën e votimit pavarësisht motit të keq në Gjermani dhe me gjithë serinë e ditëve të pushimit, të cilat perceptohen si një rast për një pushim të shkurtër:

“Sipas vlerësimit tim, në zgjedhjet e mëparshme pjesëmarrja ishte dukshëm më e lartë, njerëzit ishin shumë më shpresëdhënës, entuziastë dhe më të motivuar për të votuar sesa tani. Të gjithë kanë motivet e tyre. Disa nga bullgarët janë në Gjermani për më shumë se 20 vjet dhe disa prej tyre nuk duan të votojnë, pasi mendojnë se nuk kanë të drejtë, sepse nuk planifikojnë të kthehen në Bullgari dhe për rrjedhojë nuk duhet të ndërhyjnë në asnjë mënyrë në jetën politike të vendit. Një pjesë tjetër nuk do të votojnë këtë vit, pasi janë të zhgënjyer nga zgjedhja e tyre e bërë vitin e kaluar dhe nuk duan të votojnë për momentin në zgjedhjet e radhës të parakohshme. Po, ka nga ata që si unë do të votojnë, por nuk mund të vlerësoj se sa përqind e tyre do të dalin.”

Mjekja e re thotë se Bullgaria i ka munguar gjithmonë kur ka jetuar për një kohë të gjatë jashtë vendit dhe nuk do ta kapërcejë kurrë këtë nostalgji. Këtu mbetën shumë njerëz të afërt dhe miq dhe kjo e lidh fort me vendlindjen. Kjo është arsyeja pse Kalina zgjedh të votojë sot, pavarësisht zhgënjimit që erdhi pas zgjedhjeve të vitit të kaluar:

Seksioni zgjedhor në Shtutgart

Tani votoj për stabilitet politik, pasi kohët janë jashtëzakonisht të paqëndrueshme. Unë votoj me shpresë për një të ardhme më të mirë për bullgarët në aspektin ekonomik, politik dhe social, për ndershmërinë, për transparencën, për barazinë para ligjit. Ndryshimet kërkojnë një periudhë më të gjatë kohore, kur dhe si do të ndodhin nuk dihet, por roli i çdo qytetari bullgar, i secilit prej nesh, është të ushtrojë të drejtën e votës dhe në këtë mënyrë të kontribuojë në një farë mënyre në zhvillimin e ardhshëm të vend . Nëse një person nuk voton, është shenjë e mungesës së interesit për atë që po ndodh në vend.”


Përgatiti në shqip: Svetllana Dimitrova

Foto: arkiv personal, pixabay

Më shumë nga rubrika

15 medalje për bullgarët nga turneu ndërkombëtar i informatikës në Shumen

Garuesit bullgarë fituan 15 medalje në Turneun Vjeshtor të 14-të Ndërkombëtar të Informatikës "Xhon Atanasov" në Shumen, i cili u mbajt nën patronazhin e presidentit Rumen Radev dhe me mbështetjen mediatike të BTA. Në edicionin e sivjetshëm të..

botuar më 22-11-28 5.59.MD

Një film bullgar për dhunën shtëpiake u dallua në Bolivi

Filmi bullgar “Frymëmarrje të kontrolluara” fitoi çmimin e parë në Festivalin Ndërkombëtar të Filmit për Kinemanë Dokumentare në Bolivi, Black Cat Award International Film Festival  . Forumi i kushtohet humanizmit dhe të gjitha të ardhurat nga..

botuar më 22-11-28 11.26.PD

Mesazhe për Bullgarinë me 111 fjalë do të vendosen në një kapsulë kohore në Rodope

Fushata bamirëse kombëtare “Bullgaria e meriton!” mbledh mesazhe nga të rinjtë bullgarë për të ardhmen. Nisma “111 fjalë të frymëzuara nga Bullgaria” u drejtohet të gjithë nxënësve, të rinjve dhe studentëve brenda dhe jashtë vendit. Në Ditën e..

botuar më 22-11-27 12.05.MD