Dita e zgjedhjeve në Bullgari u organizua sipas rregullave dhe kaloi në mënyrë paqësore, konkluduan vëzhguesit ndërkombëtarë të zgjedhjeve parlamentare në vendin tonë të 2 tetorit. Autoriteteve u rekomandohet të bëjnë më shumë për të eliminuar blerjen e votave, tha për BNR Nina Suomalainen, udhëheqësja e misionit vëzhgues nga Zyra e OSBE-së për Institucionet Demokratike dhe të Drejtat e Njeriut. Ndër problemet e regjistruara janë pamundësia e personave pa vendbanim të përhershëm për të votuar, fakti që në Bullgari fushata zgjedhore mund të zhvillohet vetëm në gjuhën bullgare, gjë që nuk është në përputhje me rregullat ndërkombëtare, financimi i pamjaftueshëm transparent i fushatave, ndikimi rretheve politike në punën e gazetarëve dhe mungesa e komenteve analitike për programet e partive politike.