Në Plovdiv po mbahet një konferencë ndërkombëtare për konservimin e mozaikëve të vjetër. Sipas Komitetit Ndërkombëtar për Ruajtjen e Mozaikëve, më shumë se 200 delegatë nga 35 vende po marrin pjesë në forum. Shumica janë nga rajoni i ish-Perandorisë Romake, ku kjo teknikë është karakteristike për ndërtesat private dhe publike. Një objekt i tillë është Bazilika Episkopale në Plovdiv, e cila është ndërtesa më e madhe e kultit të hershëm të krishterë me rreth 2000 metra katrorë mozaikë shumëngjyrësh të ruajtur në dy shtresa. Pjesëmarrësit mbetën “pa fjalë dhe të impresionuar thellë” nga ajo që panë në bazilikë, thanë organizatorët. Konferenca është një hap i rëndësishëm drejt përfshirjes së trashëgimisë së mozaikëve të Plovdivit në listën e përhershme të trashëgimisë kulturore botërore të UNESCO-së.