Deklarata e djeshme e zëdhënëses së Ministrisë së Jashtme të Rusisë Marija Zaharova në lidhje me vendimin e parlamentit bullgar t’i furnizojë Ukrainës armë, u caktua nga zëvendës ministri i jashtëm bullgar Kostadin Koxhabashev si një retorikë propaganduese e Rusisë. Në deklaratën e palës ruse theksohet, se votimi i shumicës në parlament është “akti i radhës armiqësor, i cili do të çojë në një përkeqësim të mëtejshëm të marrëdhënieve tashmë të mjerueshme dypalëshe”. Koxhabashev kujtoi se Bullgaria është në listën ruse të të ashtuquajturve vende armike edhe para vendimit të Kuvendit Popullor për dhënien e ndihmës ushtarake. Ai gjithashtu theksoi se deklarata e palës ruse e përshkallëzoi edhe më shumë situatën në fjalë. Sipas Koxhabashev, marrëdhëniet dypalëshe me Rusinë janë me të vërtetë në pikën më të ulët dhe “në thelb, i gjithë bashkëpunimi de facto ka pushuar”.