Presidenti Rumen Radev e përkufizoi si "jashtëzakonisht të palogjikshme" që Bullgaria dhe Rumania të qëndrojnë jashtë zonës Shengen në kushtet e një krize në sferën e sigurisë, ekonomisë dhe sferës sociale. Kreu i shtetit e komentoi këtë temë pas një takimi me kolegen e tij greke Katerina Sakelaropoulou, e cila po e viziton vendin tonë. Sakelaropoulou konfirmoi se Greqia e mbështet pranimin e Bullgarisë dhe Rumanisë në zonën pa kontroll kufitar.

Ndërkohë, u bë e qartë se Austria është deklaruar zyrtarisht kundër pranimit të Bullgarisë dhe Rumanisë në Shengen, ndërsa Holanda е mbështet Rumaninë. Kjo ka ndodhur gjatë diskutimeve të ministrave të drejtësisë dhe punëve të brendshme në Bruksel. Lajmi vjen nga një burim diplomatik nga Këshilli i BE-së, njoftoi korrespondentja e BNR në Bruksel, Angelina Piskova.