Dekreti për dërgimin e ndihmës ushtarake në Ukrainë është shpallur në “Fletoren Zyrtare” dhe tashmë vendi ynë mund të dorëzojë armatimet e përshkruara në një listë konfidenciale të Ministrisë së Mbrojtjes. Me nxjerrjen e dekretit, presidenti Rumen Radev refuzoi kërkesën e BSP-së që kreu i shtetit të vërë veton ndaj Ligjit për ratifikimin e marrëveshjes ndërmjet Bullgarisë dhe Ukrainës për furnizimin me armë. Sipas ministrit në detyrë të mbrojtjes, Dimitër Stojanov, transporti do të kryhet me nëntë avionë transportues ushtarak amerikanë. Ndërkohë, në një konferencë, zëvendësministrja e mbrojtjes Katerina Gramatikova deklaroi se asnjë armë e vetme nuk është dërguar në Ukrainë para shpalljes së dekretit.

Shefi i Mbrojtjes Adm. Emill Eftimov njoftoi se operacioni logjistik për ofrimin e ndihmës ushtarake për Ukrainën është duke u zhvilluar.