Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Gjithçka në duart e mia” na nxjerr jashtë rutinës

Foto: Facebook / G R E E S H

Viti 2022 na solli një rol të ri të një muzikanti të njohur. Pas një karriere të gjatë të suksesshme si drejtues i një sërë projektesh muzikore në Bullgari dhe Angli, multi-instrumentisti i gjithanshëm Grisha Georgiev filloi një aventurë solo.

Prania e tij e ndritshme qëndroi po aq mirë si në grupin alternativ Matakka/Portokall ashtu edhe në dyshen eksperimentale Dokle & Greesh me Borjana Dokle. Dhe tani, tashmë si GREESH, realizoi dy këngë solo në më pak se një vit - këngën debutuese të funky groove “Lojë” dhe këngën e re “Gjithçka në duart e mia”.

Ideja për të dyja këngët daton në vitin 2019, kur bota nuk ishte ende në dijeni të sprovave si Covid-19 dhe lufta në Ukrainë. Kjo është ndoshta një nga arsyet e tingëllimit të tyre gazmor, përveç ngarkesës tipike energjetike të çdo muzike që prek GREESH. Këngët janë krejtësisht prej autori - muzikë, tekst dhe aranzhim.

“Gjithçka në duart e mia” është këtu për të na nxjerrë nga rutina dhe trivialitetet e përditshmërisë me tingëllimin e freskët. Ajo u regjistrua në vitin 2022 në Vatrën e Kulturës “Druzhba” në qytetin Harmanli, dhe GREESH gjen sërish një fushë për të shprehur të gjithë talentin e tij, duke incizuar vet bateri, bas, kitarë, sintetizator dhe natyrisht edhe vetë vokalin.

Videoja shumëngjyrëshe e këngës me heroin kryesor GREESH u xhirua në shtator në rrugët e Sofjes.

Si videoja, ashtu edhe kënga na ftojnë të hapim krahët dhe të këndojmë së bashku me GREESH: “Fluturoj, fluturoj, lart mbi qytet...”.

Përgatiti në shqip: Svetllana Dimitrova


Последвайте ни и в Google News Showcase, за да научите най-важното от деня!

Më shumë nga rubrika

"Samsara" – projekti më i ri i muzikantit Angell Djullgerov

Angell Djullgerov është një kitarist, autor i muzikës, aranzhues dhe producent muzikor. Vitet e fundit ai është një nga figurat më domethënëse në projektet e shumicës së muzikantëve më të suksesshëm bullgarë. Ai gjithashtu merr pjesë në një sërë..

botuar më 24-05-20 8.15.PD

Kënga “Dy Zemra” e Kris Gran me video

Pasi në tregun muzikor doli albumi debutues i këngëtarit Kris Gran "Dy Zemra", ai prezantoi edhe videon e këngës titulluese. Interpretuesi i ri vet e krijoi muzikën dhe tekstin enkas për koleksionin e tij të autorit. "Zgjodha këtë këngë për të..

botuar më 24-05-17 2.25.MD
Angell Zaberski dhe Big Bendi i BNR-së

“Mirëmbrëma, xhaz!” – koncert i Big Bendit të Radios Kombëtare Bullgare

Një tjetër festë xhazi po përgatitet nga Big Bendi i Radios Kombëtare Bullgare (BNR) me koncertin “Mirëmbrëma, xhaz!”. Më datë 16 maj, të enjten, në Studion e Parë të BNR-së do të tingëllojnë vepra të njohura të xhazit si dhe kompozime dhe..

botuar më 24-05-15 9.05.PD