Mbi 7000 veta do të marrin pjesë në Festivalin e XIX të Lojërave të Kukerëve "Simitlija - Toka e Lashtë e Kukerëve" këtë fundjavë (14-15 janar) në Simitli. Tradicionalisht çdo vit, të shtunën e dytë të janarit, kukerët nga e gjithë Bullgaria mblidhen në qytetin jugor bullgar për të larguar "shpirtrat e këqij".

Gjatë dy fundjavave plot muzikë dhe ritme, më shumë se 30 grupe kukerësh nga e gjithë Bullgaria do të gëzojnë banorët e qytetit buzë lumit Struma, duke kërcyer me zilet e tyre të mëdha, duke kënduar dhe kërcyer. Babugerë, arinj, zbutës arinjsh, priftërinj, valltarë, persona aktualë nga politika dhe shouja do të bëjnë thirrje për shëndet dhe pjellori, duke rikrijuar zakonet e lashta popullore.

• Çaushë, arapë, babugerë dhe xhumali - Ivo Dançev dhe kukerët e tij magjikë

Secili grup do të parakalojë për rreth gjysmë ore, duke paraqitur gjithashtu një zakon të ndryshëm të së ashtuquajturës “survakane”. Çdo vit, numri i pjesëmarrësve rritet dhe festivali është bërë një emblemë e qytetit të Simitli.

Tradicionalisht, interesi për festën është shumë i madh dhe këtë vit, pas heqjes së kufizimeve në lidhje me pandeminë, në “Simitlija - Toka e Lashtë e Kukerëve” do të marrin pjesë edhe grupe nga vendet fqinje, njofton bashkia. Hyrja është falas dhe të gjithë janë të mirëpritur të shijojnë festën “Surva” që mund të shihet dhe ndjehet në Simitli.

• Tingulli i Survës na pastron dhe na ringjall!

Përpiloi: Veneta Nikollova

Përgatiti në shqip: Vesella Mançeva