7155 janë viktimat civile në Ukrainë që nga fillimi i pushtimit rus më 24 shkurt 2022, sipas një raporti të Zyrës së Komisionerit të Lartë të Kombeve të Bashkuara për të Drejtat e Njeriut. Deri më 5 shkurt, 18817 civilë u plagosën. Shumica e viktimave civile u vranë nga zjarri i artilerisë, raketa dhe sulmet ajrore, thеksohet në raport.
Në vijën e frontit, e cila nuk ka ndryshime të rëndësishme në 24 orët e fundit, sulmet ruse ishin në pesë drejtime drejt Kupjansk, Liman, Bahmut, Avdeevka dhe Novopavllovsk. Sulmi ndaj Bahmut në një front prej 7 kilometrash ishte veçanërisht masiv dhe i ashpër, por pas më shumë se tre orësh beteje u zmbraps, njoftoi Shtabi i Përgjithshëm i Ukrainës.
Kremlini është i vetëdijshëm se ata nuk mund t’i arrijnë qëllimet e tyre në Ukrainë, prandaj kërkojnë negociata, tha Sekretari i Këshillit të Sigurisë Kombëtare dhe Mbrojtjes së Ukrainës, Oleksij Danillov. Kjo është arsyeja pse ata përdorin një grup të tërë njerëzish të gatshëm për t’u bërë ndërmjetës në negociata, më i fundit është Brazili, theksoi Danillov. Ai kujtoi se Kievi do të negociojë vetëm nëse plotësohen kushtet e Ukrainës - që Moska të tërheqë trupat e saj në kufijtë nga viti 2014 dhe të paguajë dëmshpërblime për dëmin e shkaktuar nga agresioni.
Furnizuesi shtetëror i gazit "Bulgargaz" ngriti padi kundër kompanisë ruse "Gazprom Export" para Gjykatës së Arbitrazhit të Dhomës Ndërkombëtare të Tregtisë në Paris, njoftoi kompania bullgare. Pala bullgare kërkon kompensim prej më shumë se 400..
Kreu i "Demokratëve për Bullgarinë e Fortë" (DSB) Atanas Atanasov tha për BNT se në "Po e vazhdojmë ndryshimin - Bullgaria Demokratike" (PP-DB) duhet të krijohet një organ i vetëm për të diskutuar të gjitha çështjet dhe për të marrë vendimet e..
Kryeministri maqedonas Hristijan Mickoski deklaroi se të drejtat e bullgarëve në Maqedoninë e Veriut respektohen, por nuk mund të thuhet e njëjta gjë për “minoritetin maqedonas” në Bullgari, njofton BGNES. Në një takim në Universitetin “Xhons Hopkins”..