Të krishterët dhe myslimanët në qytetin Kërxhali (Bullgari Jugore) u bashkuan në mbështetje të viktimave të tërmetit shkatërrues në Turqi. Pikat e grumbullimit të asistencës janë hapur në të shtatë bashkitë e qarkut dhe fshatrat e mëdha. Ajo do të udhëtojë me kamionë për në Edrene, nga ku do të shpërndahet në zonat e prekura. Lutjet e përbashkëta në xhami dhe në kishë janë pjesë e kauzës së përbashkët. Edhe komuna të tjera në vend mbledhin donacione.
Një autobus me rroba të mbledhura nga studentët është nisur herët në mëngjes drejt Turqisë. Dhe më vonë sot një tjetër do të niset për në Siri. Këtë e bëri të ditur Daniell Parushev nga Përfaqësia Kombëtare e Këshillave Studentorë.
Komuniteti sirian në Bullgari mbledh ndihma në ambasadën siriane në Sofje. "Ne po mbledhim ndihma me shpresën se qeveria bullgare në një moment do të lejojë një avion të fluturojë direkt në Siri. Përndryshe, ndihma nuk ka mundësi të arrijë. Pjesa veriore e Sirisë nuk është nën kontrollin e qeverisë atje dhe nuk ka asnjë mënyrë për të hyrë kamionë apo autobusë, por me avion ata do të zbresin në aeroportet e Sirisë pa asnjë problem”, tha për BNR Mohamed Ibrahim, kryetar i Shoqatës së Sirianëve në Bullgari.
Vullnetari Deniz Mutlu, i cili organizoi një fushatë donacionesh në Plovdiv së bashku me Pavell Naçev, arriti të transportojë gjithsej 15 autobusë në Edrene, të ngarkuar me ndihma për viktimat në Turqi.
Kolegjiumi rajonal mjekësor në Plovdiv njoftoi se do të dhurojë 5000 leva për viktimat në Turqi dhe Siri. "Ne shprehim ngushëllimet tona më të sinqerta për familjet e viktimave. Urojmë shërim të shpejtë për të plagosurit dhe të gjitha viktimat", bëri të ditur kolegjiumi.
Të gjithë mund t'i bashkohen fushatës përmes donacioneve në llogarinë bankare të Kryqit të Kuq Bullgar:
IBAN: BG64UNCR76301078660913
ose me SMS në numrin e shkurtër 1466 për të gjithë operatorët celularë.
Jordan Minkov mbërriti në Bruksel me familjen e tij në vitin 2007, kur vendi ynë u bë anëtar i plotë i Bashkimit Evropian, pasi gruaja e tij mori një kontratë të përhershme me institucionet evropiane dhe kjo ndryshoi jetën e gjithë familjes. "Në..
Inteligjenca artificiale tani është krijuar tërësisht nga kompjuterët klasikë me algoritme, ndërsa inteligjenca artificiale e bazuar në kompjuterë kuantikë do të jetë shumë më e shpejtë dhe më funksionale, thotë doktoranti Ivo Mihov nga Qendra për..
Pikërisht 3 vjet më parë, më 24 shkurt, filloi pushtimi rus i Ukrainës - një ngjarje që zgjoi Evropën 77 vjet pas përfundimit të Luftës së Dytë Botërore dhe vuri në pikëpyetje një nga synimet kryesore të BE-së - parandalimin e një konflikti të ri në..
Jordan Minkov mbërriti në Bruksel me familjen e tij në vitin 2007, kur vendi ynë u bë anëtar i plotë i Bashkimit Evropian, pasi gruaja e tij mori një..
Inteligjenca artificiale tani është krijuar tërësisht nga kompjuterët klasikë me algoritme, ndërsa inteligjenca artificiale e bazuar në kompjuterë..