Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Bullgaria është ndër të parat që iu përgjigj thirrjes për ndihmë njerëzve në fatkeqësi në Turqi

Foto: MVR

Pas tërmeteve shkatërruese herët në mëngjes më 6 shkurtin në Turqi dhe Sirinë fqinje, një ekip ndërkombëtar i kërkim-shpëtimit u largua nga Plovdiv këtë pasdite për të ndihmuar viktimat në fqinjin tonë jugor. Ekipi përfshin 58 shpëtimtarë dhe zjarrfikës nga i gjithë vendi, si dhe 20 njësi të pajisjeve të specializuara të shpëtimit. Në grupin e ndihmës janë 16 zjarrfikës nga Departamenti i Zjarrfikësve të Plovdivit, të cilët janë të trajnuar për të punuar pas tërmeteve dhe kanë pajisje të plota për këtë, duke përfshirë kërkimin e njerëzve nën rrënojat e ndërtesave të shembura. Sipas kryeinspektorit Dimitër Brishimov, ekipi i formuar në Bullgari do të qëndrojë në terren për aq kohë sa të jetë e nevojshme:

“Këta djem deshën paraprakisht të marrin pjesë në një modul të tillë që është i certifikuar në BE. Ata kryen trajnime dhe stërvitje të përsëritura, duke përfshirë edhe jashtë vendit, në mënyrë që moduli të jetë në përputhje me forcat dhe mjetet e tjera dhe të ketë autonomi për të paktën tri ditë. Ata kanë ujë, ushqim dhe gjithçka që u nevojitet, që të mos jenë barrë për vendin ku po ndihmojnë”.

Dy avionë “Spartan” të Forcave Ajrore u nisur sot më herët drejt Turqisë, ndërsa Shoqata Kombëtare e Vullnetarëve në Bullgari nesër në mëngjes dërgon ekipe të specializuara. Mes tyre është një mjek dhe tre ndihmësmjekë, si dhe persona që kanë kryer kurse të specializuara për reagim ndaj tërmeteve. Njëri prej tyre është ndihmësmjeku Georgi Vllajkov, drejtues i një ekipi prej 10 personash nga Shoqata “Shpëtimi Emergjent Plovdiv”, i cili në një intervistë për BNR tha se shpreson se do të ndihmojnë në mënyrën më të mirë.

“Rreth 20 veta nisemi nesër në mëngjes - theksoi Vllajkov. - Në terren mbajmë kontakte me kolegët që janë shpëtimtarë në Turqi. Situata është mjaft e keqe, ka shumë pasgoditje, ka shumë njerëz në vështirësi. Aty është dimër për momentin dhe njerëzit po flenë në çadra.”

15 persona të Departamentit të Urgjencës të Bashkisë Metropolitane, të pajisur me teknikë të specializuar kërkim-shpëtimi, përfshirë kamera termike, janë tashmë në terren. Në të njëjtën kohë, 13 shpëtimtarë të tjerë malorë të Kryqit të Kuq të Bullgarisë dhe pesë qen të stërvitur po përgatiten të nisen për në Turqi. “Ne me siguri do të bëjmë atë që mundemi - tha për BNR Atanas Ukov, një udhëheqës qensh. Do të bëjmë më të mirën. Shpresojmë se mund të ndihmojmë.”

Në një intervistë për BNT, ministri i brendshëm në detyrë Ivan Demerxhiev theksoi se Bullgaria ishte një nga vendet e para evropiane që i erdhi në ndihmë Turqisë.

Më herët sot, në një intervistë speciale për Radio Bullgarinë, ambasadorja e Turqisë në Bullgari, Ajlin Sekizkjok, falënderoi Bullgarinë, qeverinë bullgare dhe gjithë popullin bullgar për mbështetjen e tyre: “Zoti i bekoftë! Për ne, ndihma nga Bullgaria fqinje është shumë e rëndësishme dhe domethënëse!”, theksoi ambasadorja Sekizkjok.

“Një mik në ditë të vështira të zeza njihet.Sapo u bë e ditur për tërmetin, në orët e hershme të ditës më telefonoi presidenti Rumen Radev dhe më tha se shteti bullgar është i gatshëm të na ndihmojë me të gjitha mjetet e mundshme - tha ambasadorja Sekizkjok në emisionin e gjuhës turke të Radios Bullgarisë. - Për ne, ndihma nga Bullgaria fqinje është shumë e rëndësishme dhe domethënëse!” - theksoi ambasadorja Sekizkjok.

Për momentin, Shoqata e Vullnetarëve në Bullgari po mbledh fonde për lëndë djegëse, ilaçe dhe gjëra thelbësore, me të cilat ekipet bullgare mund të jenë më efektive në terren dhe mbi të gjitha të garantojnë sigurinë e tyre në kushtet jashtëzakonisht të vështira, në temperatura nën zero. Ata pritet të qëndrojnë atje për të paktën një javë.

Përpilues: Darina Grigorova

Përgatiti në shqip: Svetllana Dimitrova

Foto: MVR, MO, VMA

Më shumë nga rubrika

Tre të katërtat e bullgarëve janë të prekur nga stresi në vendin e punës

Një ekip bullgar mjekësh zbuloi se 75% e bullgarëve që punojnë përjetojnë stres në vendin e punës, transmetoi BNT. Studimi zbulon se puna e tepërt është një varësi adrenaline dhe kryesisht njerëzit e arsimuar vuajnë nga stresi. Sipas mjekëve,..

botuar më 23-03-24 6.57.MD

WWF propozon mbrojtjen e zonave të reja natyrore në Bullgari

Përpara shënimit tradicional global të Orës së Tokës më 25 marsin, Organizata për Mbrojtjen e Mjedisit WWF (Fondi Botëror i Kafshëve të Egra) po bën thirrje për krijimin e zonave të reja të mbrojtura në Bullgari. WWF propozon që të shpallen të..

botuar më 23-03-24 11.10.PD

Muaji i shenjtë i Ramazanit për myslimanët filloi

Në 30 ditët e ardhshme, mbi 1.8 miliardë myslimanë në mbarë botën do të respektojnë muajin e shenjtë të Ramazanit. Nga lindja e diellit deri në perëndim të diellit ata duhet të përmbahen nga ushqimi dhe uji. Pas perëndimit të diellit më 22 mars,..

botuar më 23-03-23 10.59.PD