Një alarm për bombë mbylli për pak kohë Gjykatën në Sofje, njoftoi BTA. Kërcënimi i rremë u dërgua me faks në prokurori. Edhe godina e Gjykatës së Qarkut të Sofjes mbeti e mbyllur për disa orë, sërish për shkak të një alarmi të rremë për një mjet shpërthyes.

Për të njëjtën arsye u mbyllën edhe disa shkolla metropolitane, ku fëmijët duhej të evakuoheshin urgjentisht. Disa nga institucionet arsimore pezulluan mësimin për gjithë ditën. Vijon këqyrja e objekteve dhe deri më tani nuk është gjetur asnjë mjet shpërthyes.

Dje, një sinjal i ngjashëm bëri të nevojshëm një kontroll të plotë të Aeroportit të Sofjes, si dhe të disa stacioneve të autobusëve.