Më 23 shkurt, mbushen 200 vjet nga lindja e rilindësit, mësues, shkrimtar dhe personalitet të madh publik Najden Gerov. Ky rilindës bullgar ishte ndër mbrojtësit më të zellshëm të traditave, kulturës dhe gjuhës bullgare në Plovdiv dhe diplomati i parë bullgar për 20 vjet - duke shërbyer si zëvendës konsull rus në Plovdiv nga viti 1857 deri në vitin 1877. Gjatë Luftës së Krimesë (1853-1856), ai mbështeti Lëvizjen Nacionalçlirimtare dhe zhvilloi veprën arsimore. Në cilësinë e zëvendës konsullit në Plovdiv nga viti 1857, ai zhvilloi një veprimtari të gjerë publike dhe gjatë Kryengritjes së Prillit të vitit 1876, si punonjës në Ambasadën ruse në Kostandinopojë, mbështeti luftërat bullgare për liri kombëtare. Gjatë Luftës Çlirimtare Ruso-Turke në vitet 1877-1878, ai u dërgua me shërbim në shtabin e ushtrisë ruse, pas së cilës u emërua guvernator i qytetit të parë të çliruar Svishtov. Pas Çlirimit, Najden Gerov u tërhoq nga politika dhe u vendos në Plovdiv për t’iu përkushtuar edukimit të popullit bullgar. Ai është bullgari i parë që arriti të krijojë një fjalor shumëvëllimësh të gjuhës bullgare me 70 620 fjalë, 10 000 fjalë të urta, 5976 fragmente nga këngët popullore, 4300 idioma dhe shprehje.
U nda nga jeta më 9 tetor 1900, duke lënë pas një korrespondencë të pasur që zbulon momente të rëndësishme të jetës politike dhe kulturore dhe arsimit gjatë Rilindjes.
“Mirësia është forca e vërtetë lëvizëse në botë dhe sa më mirë të jemi me njëri-tjetrin, aq më mirë do të jetojmë të gjithë”, thotë djali nga qyteti i Bullgarisë Jugore Kërxhali. "Unë jam Haki Kan - një shkrimtar, 29 vjeç nga qyteti Kërxhali...
Ai është 24 vjeç, me origjinë nga qyteti bullgar Rakovski, por gjithë jetën e ka kaluar në Itali. Aktualisht është student në Akademinë e Muzikës “Santa Cecilia” (Accademia Nazionale di Santa Cecilia) në Romë për klarinetë, por është i dashuruar me..
Viti 2023 që po lemë pas ishte një vit në të cilin bota u hap pas pandemisë Covid-19 dhe ndjeu nevojën e madhe dhe joshjen e mundësisë për t'u kthyer në takime t e plota me artin, kulturën, sportin dhe sferat e tjera të aktivitetit në të cilat..