Ministri i Energjetikës, Rosen Hristov, ka hedhur poshtë informacionin e përhapur në media se “Bullgaria po i jep Ukrainës pajisjet e termocentralit “Belene” dhe e cilësoi atë si spekulim. Në një mesazh të Ministrisë së Energjetikës thuhet se qeveria e përkohshme nuk do të marrë vendime të tilla që i merr vetëm parlamenti. “Ka vetëm interesim nga pala ukrainase”, thekson ministri Hristov në komunikatën për media. Në vizionin e propozuar për zhvillimin e sektorit të energjisë elektrike, qeveria e përkohshme parashikon ndërtimin e 4 kapaciteteve të reja bërthamore - 2 reaktorë në kantierin e centralit në “Belene” dhe 2 në centralin “Kozlloduj”. Për më tepër, para se të shpërndahej, Kuvendi Popullor e detyroi qeverinë të ndërtojë një pajisje të re me reaktorin amerikan AP-1000 në kantierin në centralin "Kozlloduj".

Bullgaria është ende e varur nga Rusia në fushën e energjetikës bërthamore