Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Vajzat e guximshme janë gjithmonë një hap përpara, na thotë DIA në këngën “Më djeg”

Foto: Facebook / DIA

DIA është pseudonimi artistik i këngëtares Dimana Mirçeva. Tetë vite më parë ajo regjistroi këngën e saj të parë prej autori “Egeja”, e cila u bë menjëherë hit. Atëherë, akoma nxënëse në Shkollën Kombëtare të Muzikës “Ljubomir Pipkov” në Sofje, ku mësonte këndim popullor, DIA nisi të realizojë stilin e saj karakteristik - një kombinim midis mejnstrimit dhe folklorit, të cilin interpretuesja e re edhe më sot vazhdon ta zhvillojë.

Në “Më djeg” , kënga e saj e parë e vitit 2023, DIA tregon historitë e vërteta të lidhjeve moderne. Ajo hyn në imazhet e ndryshme të gruas moderne për të zbuluar se superfuqia e saj është të jetë lider në dashuri.

“Më djeg” është një këshillë muzikore – thotë DIA. - E vërteta është, se princi mbi kalin e bardhë ekziston vetëm në përralla dhe në realitet nuk vjen kurrë. Në kohën që jetojmë, burrat u bënë më mosbesues dhe janë ata që ruajnë me xhelozi zemrën e tyre. Vetëm gruaja që ka guximin të pranojë ndjenjat e saj, të digjet në to, të bëjë hapin e parë dhe të marrë timonin e dashurisë në duart e veta, hyn në një lidhje të pasionuar.”

Në këngën e saj të re “Më djeg”, krijuar me mbështetjen e Fondit Kombëtar të Kulturës, DIA punon për herë të parë me autorin e njohur të këngëve Denis Popstoev. I njohur për punën e tij për disa nga emrat më të mëdhenj të muzikës, Denis pranon se projekti me këngëtaren DIA ishte një veprim i pazakontë edhe për të.

Të dyja bashkohen rreth maksimës se sfida nuk është t’i japish folklorit një tingull modern, por të ruash autenticitetin e tij në një tingëllim modern.

Tandemi punon në mënyrë aktive në detajet e këngës, duke krijuar muzikën së bashku. DIA shkroi tekstin dhe melodinë, dhe Denis shtoi aranzhimin mjeshtëror.

Detari i fundit në hitin e përfunduar shtohet nga videoja interesante. Madhështia e saj, gruaja moderne, luan rolin kryesor. Ekipi vizual që krijoi imazhin e ndjen mesazhin në tekstet e “Më djeg” - vajzat e guximshme janë gjithmonë një hap përpara të tjerëve - dhe e gërsheton atë në mënyrë imponuese në kuadrot.

Redaktor: Diljana Traçeva

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD

Dashuria e përbashkët dhe një këngë e re në një takim të duetit SHIK me publikun e Sofjes

Dueti SHIK ka një vend të rezervuar në zemrat e adhuruesve të muzikës së bukur me këngët e tyre melodike, shumë prej të cilave janë kthyer në hite. Autori i tyre është Krasimir Gjullmezov - një kompozitor, aranzhues, instrumentist dhe këngëtar i..

botuar më 24-03-26 8.15.PD