Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Më shumë se gjysma e rumunëve janë kundër bashkimit me Moldavinë

54% e rumunëve nuk mbështesin një bashkim të mundshëm në të ardhmen të Rumanisë me Republikën e Moldavisë dhe 33% janë në favor të bashkimit. Kështu thuhet në një sondazh të opinionit publik nga agjencia e sondazheve Avangard, të cituar nga mediat rumune. Sondazhi tregon gjithashtu se sipas 31% të rumunëve, Moldavia duhet të pranohet shpejt në NATO, ndërsa 40% janë kundër. Në rast agresioni ushtarak nga Rusia kundër Moldavisë, 29% e të anketuarve besojnë se "Rumania duhet të ndihmojë shtetin moldavian me trupa", 56% janë kundër. Sa i përket ndihmës me pajisje ushtarake, 48% do ta mbështesin dhe 35% do të ishin kundër. Sipas 46% të të anketuarve, popullsia e Moldavisë është e ndarë në gjysmë midis qëndrimeve "pro-perëndimore" dhe "pro-ruse".
Në mars 2023, parlamenti moldavian votoi përfundimisht për të zëvendësuar të ashtuquajturën "gjuha moldaviane" me "gjuhën rumune" në legjislacionin kombëtar. Tema e bashkimit të dy vendeve është ngritur vazhdimisht gjatë viteve të fundit.
Nxënësi i arrestuar për të shtënat është shtruar në Klinikën e Neurologjisë dhe Psikiatrisë. Testi i tij toksikologjik rezultoi negativ. "Problemi në Serbi është se merremi me parandalim rrallë, në mënyrë sporadike dhe pas tragjedive," tha për RTS Ivana Radovanoviq nga Akademia Policore e Shkencave Ligjore. Sipas saj, tragjedia mund të ishte parandaluar duke punuar me fëmijën, i cili është ndierë i refuzuar dhe i injoruar.

Serbia është në zi treditore

Serbia është në zi pas të shtënave në një shkollë në Beograd më 3 maj. Një nxënës 13-vjeçar vrau 8 nxënës dhe një roje sigurie dhe u plagosën një mësues dhe gjashtë nxënës. Për shkak të tragjedisë, Serbia shpalli zi 3-ditore nga 5 deri më 7 maj. Qytetarë dhe nxënës nga shkollat ​​e Beogradit ofrojnë lule dhe ndezin qirinj para shkollës ku ndodhi tragjedia, raporton RTS. Dhjetëra njerëz u rreshtuan jashtë Institutit të Transfuzionit për të dhuruar gjak për të plagosurit. Disa orë para shpalljes së zisë kombëtare në Serbi, 8 persona të tjerë humbën jetën dhe të tjerë u plagosën në fshatrat Dubona dhe Šepshin. Për këtë akt dyshohet një i ri 21-vjeçar.

Megjithë papunësinë e lartë në Greqi, punëdhënësit vuajnë nga mungesa e fuqisë punëtore

Për muajin mars, Greqia renditet e dyta midis vendeve evropiane për nga numri i të papunëve dhe të rinjtë dhe gratë janë ndër më të prekurit, raportoi korrespondentja e BNR, Katja Peeva. 508 000 grekë nuk mund të realizohen në tregun grek të punës dhe shkojnë në vende të tjera evropiane me shpresën për paga më të mira dhe kushte më të mira pune. Në të njëjtën kohë, për shkak të pagave të ulëta dhe punës me kohë të pjesshme që ofrohet, 9 nga 10 punëdhënës nuk mund të gjejnë punonjës të mjaftueshëm. Fermerët tërheqin punëtorë madje nga Tajlanda. Në turizëm kriza për specialistët gjithashtu është e madhe. Madje rritja e pagës minimale nga prilli në 780 euro, me vendim të qeverisë, rezulton e paefektshme për një dalje nga situata.

Turqia ra në vendin e 165-të për sa i përket lirisë së fjalës

Turqia ra me 16 vende në vendin e 165-të nga 180 vende në renditjen vjetore të lirisë së mediave botërore të “Reporterëve pa Kufij”. Arsyeja është represioni i shtuar ndaj gazetarëve në vitin 2022 dhe para zgjedhjeve të 14 majit 2023 – gjykime arbitrare kundër gazetarëve, arrestime masive, ndalime të aksesit në internet, gjoba parandaluese të rregullatorit turk të medias, raportoi faqja turke e lajmeve Bianet. Në vitin 2002, kur Partia qeverisëse për Drejtësi dhe Zhvillim e Presidentit Rexhep Tajip Erdogan erdhi në pushtet, Turqia u rendit e 99-ta, kujton BTA.

Përpiloi: Miglena Ivanova

Përgatiti në shqip: Vesella Mançeva

Foto: EPA/BGNES, REUTERS, romania-insider.com, turkey.postsen.com


Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD