Me shenjtërimin e flamujve luftarakë me ujë të  bekuar dhe një paradë ushtarake, Bullgaria shënon Ditën e Trimërisë dhe festën e Ushtrisë Bullgare. Ky vit është më i veçantë, pasi shënon 145 vjetorin e krijimit të Ushtrisë Bullgare. Trupat bullgare i uroi presidenti dhe komandant i përgjithshëm i ushtrisë, Rumen Radev. “Një luftë po shpërthen në Evropë - e paprecedentë në përmasa në historinë më të re të kontinentit tonë. Bullgaria hyri në këto kohë të rrezikshme pas viteve të iluzioneve të rrënjosura se luftërat janë pjesë e së kaluarës, se shërbimi ushtarak është i pashpresë dhe ushtria është një gjë e vjetruar”, tha Radev. “Ka një postulat të sprovuar historikisht në strategjinë ushtarake. Një kështjellë pushtohet më lehtë nga brenda. Në rrënjët e çdo disfate qëndron një shkelje morale: adhurimi i huaj, fyerja, mosbesimi, përçarja shoqërore. Prandaj dita e Shën Gjergjit është një festë veçanërisht e rëndësishme. Në ditën e Shën Gjergjit Fitimtar, festojmë bashkimin e popullit dhe të ushtrisë”, theksoi presidenti. Radev theksoi se “në stuhinë historike duhet të jemi të bashkuar pas interesit kombëtar, ... për të mbrojtur shtëpinë dhe kulturën tonë”.

Më vonë filloi parada e Forcave të Armatosura të Bullgarisë, e drejtuar nga një helikopter MI-17 i Forcave Ajrore, i cili valëviti në qiell trengjyrëshin bullgar.

• Parada Ushtarake e 6 majit është rikthyer sërish
• Bekimi i flamujve të shenjtë bullgarë Ditën e Shën Gjergjit