“E mirëpresim me ngrohtësi nominimin e Maria Gabrielit për kryeministre të Bullgarisë”, shkroi në Twitter lideri i eurodeputetëve nga Partia Popullore Evropiane Manfred Weber. "Ajo ka përvojën dhe autoritetin ndërkombëtar për të kapërcyer bllokimin politik në Sofje," vuri në dukje ai.
“Me sa e njoh personalisht Maria Gabrielin, mendoj se kjo është një zgjedhje e mirë, e menduar”, komentoi kryeministri në detyrë Gëllëb Donev para gazetarëve në margjinat e Kuvendit.
“Ne nuk do ta mbështesim mandatin e GERB-it dhe padyshim nuk do të ofronim as personalitetin tonë në të”, komentoi Daniel Lorer nga koalicioni "Po e vazhdojmë ndryshimin - Bullgaria Demokratike". Sipas Lorerit, Maria Gabriel i zbaton me dinjitet detyrat e saj si Komisionere Evropiane dhe deri diku është befasuese për ta që ajo e ka pranuar nominimin.
“Maria Gabriel ka një kartëvizitë të mirë në Evropë, por kjo nuk do të thotë asgjë. Mbështetja për GERB kalon përmes bisedave të thella për programet dhe prioritetet”, tha Stanisllav Ballabanov nga partia “Ka një popull të tillë”. “Shpresojmë të krijojmë një kabinet me përgjegjësi të përbashkëta”, shtoi ai.
“Maria Gabriel nuk është një person që mund të marrë përgjegjësinë për drejtimin e vendit”, tha kreu i “Vëzrazhdane” Kostadin Kostadinov dhe theksoi se “Vëzrazhdane” do të mbështesë vetëm një qeveri të shpallur prej tyre.
Sipas të dhënave nga exit poll-et e të gjitha agjencive sociologjike, GERB-SDS me lider Bojko Borisov është padyshim forca e parë politike. Vitet e fundit partia është përmbajtur nga komentet para shpalljes së rezultateve përfundimtare nga KQZ...
Në prag të zgjedhjeve të gjashta të parakohshme parlamentare në më pak se tre vjet, vërehet lodhja e qytetarëve bullgarë nga pashpresa menaxheriale. Një gjë e tillë duket se ekziston edhe në fushën politike – dëshmi është fushata tejet letargjike..
Abdullah Öcalan propozoi bisedime paqeje me PKK nga burgu Lideri i Partisë terroriste të Punëtorëve të Kurdistanit (PKK), Abdullah Öcalan, i cili po vuan një dënim me burgim të përjetshëm, u vizitua nga një i afërm i tij për herë të parë..
Pjesërisht me re
Vranësira të dendura