Kampionet olimpike të karatesë nga Tokio 2020 - Ivet Goranova, Jovana Prekovic dhe Ferial Abdelaziz po fillojnë një fushatë për ta rikthyer karatenë në programin olimpik për Lojërat e Los Anxhelosit në vitin 2028.

Në Akademinë Kombëtare të Sporteve, në hapjen e Seminarit Stërvitor të Karatesë, tri medalistet e arta nënshkruan një letër ku kërkojnë takim me Presidentin e Komitetit Olimpik Ndërkombëtar, Thomas Bach. “Ai do të vijë në Bullgari dhe ne do ta shfrytëzojmë momentin për ta takuar”, tha Ivet Goranova në një intervistë për BNR. Letra e tri kampioneve do t'u dërgohet edhe të gjitha federatave kombëtare të karatesë, nga të cilat presin mbështetje ndërkombëtare për rikthimin e sportit të tyre në programin olimpik.

Ndërkohë, më 13 maj, ditën e shtunë, në Sofje filloi edicioni i 10-të i turneut ndërkombëtar të karatesë "Sofia Open - Kupa e Presidentit të Republikës së Bullgarisë".