Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Kavall Park" - një shpjegim i dashurisë për Bullgarinë përtej oqeanit

13
Bogdan Darev dhe Kalin Krumov
Foto: arkiv personal

Pakkush ndoshta e ka dëgjuar emrin e Alexander Epplerit - një amerikan me origjinë ruse, i dashuruar me Bullgarinë dhe kavallin (fyellin) bullgar. Që në adoleshencë ai u zhyt në magjinë e folklorit tonë, duke marrë pjesë në një koncert të një ansambli bullgar përtej oqeanit. Dhe ai mori një vendim të rëndësishëm - të vinte në vendin tonë për të mësuar të luante në fyell. Dhe pati sukses. Alexander Eppler arriti majat në performancë dhe u bë një nga mjeshtrit e aftë të instrumentit frymor bullgar në Amerikë.


Më 18 maj në Sofje do të prezantohet filmi “Kavall Park”, i cili tregon historinë e këtij amerikani me aftësitë e kinemasë dokumentare dhe muzikës. Autori i tij është regjisori Bogdan Darev, një bullgar nga Seattle, takimi i parë i të cilit me Alexander Eppler ishte më shumë se një dekadë më parë:

Bogdan Darev

“Në vitin 2011 në Seattle, kur filloi ringjallja e kulturës bullgare, e vetëdijes sonë, ne donim të organizonim një koncert për fëmijët e komunitetit të madh bullgar atje. Ne donim shumë që dikush të luante live, që ata të dëgjonin fyell, gajde. I pyeta amerikanët që e duan folklorin bullgar dhe kërcejnë vallet popullore bullgare dhe më thanë: “Është një burrë shumë i çuditshëm, do të të marrë shumë para, mos e kërko fare. " Unë bëra krejt të kundërtën dhe kështu u njoha me Sasho Eppler-in. Ai ishte shumë i lumtur për ftesën, nuk mori para, kemi foto nga skena, ku është i rrethuar nga të gjithë fëmijët. Dhe që atëherë e integruam atë në komunitetin bullgar. Kështu filloi ky udhëtim drejt filmit dhe miqësisë sonë.”

Krijimi i filmit “Kavall Park” është një lloj kthimi shpirtëror në Bullgari në zemrën e Alexander Epplerit. Ky filantrop i shquar bullgar ruan shkëndijën e jetës në zemrën e vet për ta ndihmuar Bogdan Darevin në xhirimin e filmit dhe kështu të qëndrojë përgjithmonë në atdheun tonë. Dhe fjalët e tij në fillim të filmit japin një shpjegim për këtë:

“Kam marrë shumë në Bullgari dhe nëse kam mundësi dhe është në fuqinë time, dua t'ua kthej bullgarëve”, thotë Alexander Eppler.

Dhe kështu lindi "Kavall Park" - një histori e jashtëzakonshme dashurie. Kjo është dashuria për Bullgarinë dhe instrumentin frymor bullgar kavall. Ku ndodhet ky vend magjik “Kavall Park”?


“Kavall Park është vendi ku rrugët ndërthuren, muzikantët takohen. “Kavall Park” është në Seattle, nuk kam qenë atje - thotë Bogdan Darev dhe shpjegon se si lindi titulli i filmit: - Në disa nga kuadrot e filmit të vitit 2018, Xha Sasho qëndron në një stol dhe thotë: "Këtu ka një park dhe gruaja ime e quajti 'Kavall Park' sepse kur po bëja një fyell të ri shkoja ta provoja atë në këtë park në Seattle, në Oqeanin Paqësor.”


“Kavall Park” me të vërtetë arrin të bashkojë zemrat e të gjithë atyre që e shikojnë këtë histori mahnitëse. Ata transferohen në kopshtin e harlisur amerikan të Eppler-it, ku rritet një dru bullgar i qenit, më pas në bregun e Oqeanit, ku fluturojnë tingujt e fyellit, të punuar nga ky amerikan, i cili do të hyjë në histori si studenti i parë i fyellit në Universitetin e Plovdivit.

“Ai më dha shpirtin e kavallit – respektin, qëndrimin ndaj instrumentit – na tregon Bogdan Darev, i cili arriti të mësonte të luante në kavall. - Ideja në fillim të filmit ishte që ai të bënte një instrument, ta filmonte dhe ta ruante si arkiv - si bën një kavall të tërë. E kam parë duke punuar - kur ai kap një kavall është sikur shkon në një univers tjetër, dhe unë thjesht qëndroj atje me kamerën dhe jam dëshmitar i magjisë.

Virginia Beach

Filmi përfundon me një mesazh - Alexander Eppler ia dorëzon kavallin Bogdan Darevit, dhe më pas ne e shohim atë në duart e fëmijëve. Por përveç interesit për muzikën, ajo që Alexander Eppler dhe "Kavall Park" përcjellin te njerëzit është diçka shumë më tepër - dashuria për Bullgarinë.

Nënpresidentja Ilijana Jotova dhe Bogdan Darev
Nënpresidentja Ilijana Jotova dhe Bogdan Darev

Filmi "Kavall Park" ka titra në anglisht, ndërsa shfaqja në Shtëpinë e Kinemasë në Sofje shënon fillimin e një sërë aktivitetesh kushtuar 120 vjetorit të vendosjes së marrëdhënieve diplomatike midis Bullgarisë dhe SHBA-së, organizuar nga Ministria e Punëve të Jashtme, Drejtoria "Amerika", Instituti Shtetëror i Kulturës dhe Agjencia Ekzekutive për Bullgarët Jashtë vendit pranë Ministrisë së Punëve të Jashtme.


Përgatiti në shqip: Vesella Mançeva

Foto: arkiv personal,  Kaval Park, Facebook/kavalpark



Последвайте ни и в Google News Showcase, за да научите най-важното от деня!

Më shumë nga rubrika

Një ekspozitë paraqet historinë e sheqerit dhe ëmbëlsirave në Gorna Orjahovica

Gorna Orjahovica është qyteti më i madh jo-rajonal në Bullgarinë Veriore. Ai ndodhet pranë Veliko Tërnovos dhe është një nyje e rëndësishme hekurudhore. Me rastin e 155-vjetorit nga shpallja e vendbanimit si qytet, në Muzeun Historik Lokal është..

botuar më 25-07-06 8.00.PD

“Shpirti i akuarelit” – ekspozitë e larmishme e artistëve nga 51 shtete mysafire në Varna

Ekspozita me pjesëmarrjen e mbi 350 piktorëve nga 51 shtete u hap në kryeqytetin tonë bregdetar. Ajo është pjesë nga edicioni i katërt i Trienales Ndërkombëtare “Shpirti i Akuarelit” dhe është e vendosur në Galerinë e Arteve Pamore “Boris Georgiev” në..

botuar më 25-07-05 8.00.PD
Foto: Ambasada e Kosovës në Republikën e Bullgarisë

“Këndi i Kosovës” pasuron Bibliotekën Kombëtare në Sofje

Në Bibliotekën Kombëtare “Shën Kirill dhe Metodij” në Sofje u hap “Këndi i Kosovës”. Me këtë, këndet e dedikuara letërsive të ndryshme kombëtare në sallën “Historia e librit” bëhen gjithsej 36. Ideja është pjesë e një vizioni afatgjatë e lidhur..

botuar më 25-07-01 3.45.MD