MIA D., ose Maria Dimova, është një këngëtare e re e talentuar bullgare që ndërthur folklorin bullgar me një tingull modern. Kanë kaluar gati dy vjet nga shfaqja e eksperimentit të fundit muzikor të MIA D., por ajo nuk ka reshtur së krijuari. Këngëtarja i është përkushtuar kompozimit të muzikës së re dhe po përgatitet për hapin e radhës në rrugën e saj profesionale, të cilën e bën me këngën e re “Duhej”.
“Duhej” është momenti kur i lejova vetes të jem e sinqertë dhe e pastër në shprehjen e emocioneve të mia. Ky është momenti kur ia lejova vetes të tregoja se isha e prekshme dhe e pambrojtur. Gjithçka që nuk mund të them e kam kënduar”, ndan MIA D. për këngën e saj.
Me këtë projekt, ajo bën një kthesë të fortë nga stili i projekteve të saj të mëparshme solo. "Duhej" është një këngë emocionuese me vokal kadifeje, tekst të bukur dhe një tingull modern R&B. Në krijimin e muzikës dhe tekstit, MIA D. ka bashkëpunuar me Alex & Dessy (Aleksandër Hristov dhe Desisllava Georgieva), me të cilët këngëtarja është jo vetëm një kolege, por edhe një shoqe shumë e mirë.
Përveç audios, kënga debutoi edhe me një videoklip i cili rikrijon në mënyrë perfekte ndjenjat dhe mesazhet në "Duhej".
“Gjatë xhirimeve i përjetova përsëri të gjitha emocionet që më bënë ta krijoja këngën. Nuk kisha nevojë të luaja role. Unë isha 100 për qind vetëvetja”, tha këngëtarja.
Përgatiti në shqip: Vesella Mançeva
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga..