Strukturat e sindikatave KNSB (Konfederata e Sindikatave të Pavarura) dhe "Podkrepa" në institucionet kulturore dhe organizatat e ndryshme profesionale janë gati për një protestë në të cilën do ta lënë Bullgarinë pa ngjarje kulturore dhe do të mbyllin të gjitha muzetë, skenat dhe galeritë për një javë. Aksioni do të zhvillohet nëse shkurtohet buxheti i Ministrisë së Kulturës për vitin 2023, si dhe nëse nuk rritet subvencionimi për institutet kulturore dhe për Radion Kombëtare Bullgare (BNR), tha për BNR Kirill Binev - kryetari i federatës “Kultura” në “Podkrepa”. Ai vuri në dukje se inflacioni tashmë po ha pagat minimale në sektor, të cilat sipas fjalëve të tij janë "katastrofike" midis 1000-1200 leva (500-600 €). Në projektbuxhetin për vitin 2023, ministrja e financave në detyrë Rosica Vellkova propozon shkurtimin e buxhetit të kulturës me 40 milionë leva të tjera (20 milionë euro).