Numri i harabelave në vendin tonë vazhdon të ulet. Ky zog i dobishëm për njerëzit, i mësuar të jetojë pranë dhe së bashku me ne, po zhduket pikërisht për shkak të njerëzve. Këtë e tregojnë rezultatet e edicionit të shtatë të fushatës “Numërojmë harabelat”. Po shtohen edhe territoret ku lloji i tyre mungon plotësisht. Arsyeja është se harabelat i përdorin shkurret si strehë për t’u fshehur nga grabitqarët, por kur ato hiqen, harabelat nuk kanë ku të fshihen dhe bëhen viktima, shpjegojnë ornitologët. Harabeli i shtëpisë është në kategorinë e specieve me një rënie të llojit të tij prej 51%. Të dhënat janë nga një studim i llojeve të shpendëve i përhapur në Bullgari, i cili filloi në vitin 2005. Regjistrimi i fundit nga ai vit tregon se më shumë harabela gjenden në Jambollsko, Shumen dhe Pleven, ndërsa vullnetarët e Shoqatës Bullgare për Mbrojtjen e Zogjve kanë numëruar 3556 harabela në 276 vende në mbarë Bullgarinë. Statistikat tregojnë se që nga vitet 1980 numri i tyre në Evropë është ulur me afro 250 milionë. Dhe mungesa e tyre është tregues i një problemi, paralajmërojnë ekspertët.
Përgatiti në shqip: Kostandina Bello
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë..