Një helikopter që fluturoi në mënyrë të rrezikshme dhe pa leje më 1 korrik, është arsyeja e largimit të afërt të drejtorit të “Administratës së Aviacionit Civil”, Hristo Shterionov. Sipas ministrit të transportit, Georgi Gvozdejkov, drejtori është përgjegjës sepse nuk e ka njoftuar për incidentin dhe nuk ka marrë masa si autoritet mbikëqyrës.
Helikopteri fluturoi herët në mëngjes në orën 05:20 mbi plazhin në kampingun e Gradinës, shumë poshtë mbi njerëzit, rreth 15 metra larg dhe pasagjerët vareshin prej tij dhe hidhnin në tokë sasi të mëdha bankënotash false me imazhin e Todor Zhivkovit (drejtuesi komunist i Republikës Popullore të Bullgarisë).
“Drejtori i Administratës së Aviacionit Civil do të lirohet”, u tha gazetarëve ministri i transportit Georgi Gvozdeikov pas një takimi me kryeministrin Nikollaj Denkov, në të cilën u diskutua rasti. Sipas tij, incidenti është në kundërshtim me të gjitha rregullat për këtë lloj fluturimi.
Në një intervistë për bTV, Gvozdejkov konfirmoi refuzimin e Ministrisë së Transportit për të marrë me qira dy helikopterë mjekësorë për ndihmë ajrore. Nuk ka kuptim të marrësh me qira helikopterë, për të cilët paguajmë, pavarësisht nëse punojnë apo jo - 1 milion leva (500,000 euro) në muaj, kur i gjithë sistemi nuk është gati, komentoi Gvozdejkov. Sipas tij, në fund të vitit Bullgaria do të ketë helikopterin e parë mjekësor.