Përfaqësimi i Përhershëm i Bullgarisë në BE rekomandon që evropianët ta lexojnë këtë verë romanin "Udhëtim në drejtim të hijes" nga Jana Bukova. Propozimi është në kuadër të nismës së përbashkët "Lexuesit e Evropës" midis Bibliotekës së Këshillit Evropian dhe përfaqësive të përhershme në BE, qëllimi i së cilës është të promovojë zakonet letrare të evropianëve. Për të katërtin vit, misionet e përhershme në BE janë ftuar të rekomandojnë një libër nga vendi i tyre për verën dhe tema e fushatës së sivjetshme është "Gratë Autore". Zhanri zgjidhet nga përfaqësimi i përhershëm përkatës dhe mund të jetë vepër e një autoreje të re, një vëllim i një poeteshe të njohur ose vepër fantastike. Në librin e rekomanduar të Jana Bukovës, ka tetë personazhe kryesore, secili prej tyre ka historinë e tij të plotë të jetës, motivimin, frikën dhe dëshirat e brendshme. Tregimet janë të lidhura, por janë shkruar në fragmente dhe lexuesi duhet të mendojë se si t’i lidhë fijet. Histori vdekjeje dhe dashurie, mizorie dhe mëshire. Romani i ofruar nga misioni diplomatik bullgar cilësohet si një vepër e bukur dhe e dhimbshme, në të cilën autorja Jana Bukova tregon një aftësi të jashtëzakonshme për të përshkruar gjëra të jashtëzakonshme.
Përveç “Udhëtim në drejtim të hijes”, Bukova ka botuar edhe dy përmbledhje me tregime dhe katër përmbledhje me poezi, ndër të cilat “Shënimet e gruas fantazmë” (2018), e vlerësuar me Çmimin Kombëtar për Poezinë “Ivan Nikollov”. Libri u botua në të njëjtën kohë edhe në Athinë, por me një titull tjetër.
Veprat e autores janë përkthyer në disa gjuhë.
Përpiloi: Darina Grigorova
Përgatiti në shqip: Vesella Mançeva
Forumi shkencor ndërkombëtar "Urat kulturore: histori të bullgarëve të rëndësishëm në Serbi" u mbajt në fund të qershorit në gjimnazin "Shën Kirill dhe Metodij" në Caribrod. Ngjarja u realizua me mbështetjen financiare të Ministrisë së Arsimit dhe..
Mbi 30 studiues të gjuhës bullgare nga njëmbëdhjetë vende u mblodhën në një forum dyditor në Sofje dhe Plovdiv, kushtuar alfabetit cirilik, për të prezantuar arritjet e tyre më të fundit në studimin e veprës së Kirilit dhe Metodit dhe për të kujtuar se..
Gjatë fushatës së sivjetshme të kandidatëve për studentë, pyetja cila do të jetë diploma më e dëshiruar në Universitetin e Sofjes "Shën Kliment Ohridski" sikurse është retorike. Për katër vitet e fundit, zgjedhja numër një e studentëve të ardhshëm..
Deri më 15 shtator, Bulevardi “Vitosha” i kryeqytetit dhe parku përballë Pallatit Kombëtar të Kulturës janë shndërruar në një librari të madhe në..
Janë 4 shfaqje emocionuese të kinemasë bullgare në Paris. Nga data 10 deri më 13 shtator në kryeqytetin francez do të mbahet Festivali i Kinemasë..