“Llukoill Neftohim Burgas” njoftoi se do t’i drejtohet gjykatës për të mbrojtur reputacionin afarist. Qëndrimi është në përgjigje të asaj që tha bashkëkryetari i PP-së Kirill Petkov se do të paraqitet propozimi “për të rikthyer kontrollin e portit Rosenec”. Kompania koncesionare deklaroi se të gjitha akuzat e bëra publikisht për kontrabandë dhe shkelje të tjera në territorin e portit nuk përputhen me realitetin. Kontrata e koncesionit është lidhur në vitin 2011 për një periudhë 35-vjeçare, kujton kompania, duke treguar se shteti kryen kontroll të përditshëm.

Ministri i ekonomisë, Bogdan Bogdanov, tha se po hetohet nëse dhe me çfarë mjetesh kompania kontribuoi në Fondin e Sigurimit të Sistemit Elektrik. Sipas një vendimi të parlamentit të mëparshëm, ai duhet të sjellë çdo muaj 70% të diferencës së çmimit midis naftës bruto “Brent” dhe naftës më të lirë të Rusisë “Urals”.